1 Corinteni
5 Așunel-pe că mașcar tumende cheren-pe buchia sexualo melale, cadal buchia melale na cheren-len nici le manușa cai ci slujin le Devlesche: iech murș te trail pesche dadesche rromniasa. 2 Hai tumen den tumen bare cadala buchiasa? Ci trebulas mai but, cadal buchia te cheren tumen te roven, caște avel duriardo de mașcar tumende o manuș cai cărdea cadai buchi? 5 te den cadale manușes po vast le Satanosco caște aven duriarde le păcatea hai, cadea, o spirito te avel salvime ando ghies le Raiesco. 6 Na-i mișto te așaren tumen. Ci jianen că iech țâra drojdia cherel te bariol sea o humer? 7 Duriaren i plămădeala purani caște aven iech humer nevo, cai ci barilea, cadea sar vi san ciaces. Că o Cristos, amaro bacro anda i patraghi, sas-lo jertfime. 9 Scriisardem tumenghe ande mânro lil te na mai beșen ande iech than le manușența cai cheren buchia sexualo melale. 10 Prin cadaia ci camlem te phenav tumenghe te nașen le manușendar cai cheren buchia sexualo melale anda cadai lumea sau codolendar cai ci arăsăl lenghe chanci sau daraven le manușen caște len so camen lendar sau codolendar cai manghen-pe le devlenghe hohamne. Dacă avelas cadea, tumen ci mai trebunas te train andi lumea. 12 So buchi si man te judechiv codolen de avreal? Ci judechin tumen codolen de andral, 13 ando timpo so o Del judechil codolen de avreal? „Duriaren codole manușes nasul de mașcar tumende!”