Daniel
3 O Daniel sicadea-pe mai lașio sar le coaver bare demnitari hai satrapi, anda codoia că ande leste sas iech spirito zuralo. Hai o rege camlea te vazdel-les opral sea o regato. 4 Ande codo timpo, le bare demnitari hai satrapi zumade te arachen vareso caște doșaren le Danielos anda leschi buchi ando regato, tha ci arachle chanci caște doșarel-les sau vreoiech buchi nepachivali leste, anda codoia că vo sas-lo demno pachiamasco hai ci cărdea-pe doșalo anda chanci sau anda vroiech buchi nepachivali. 10 Tha o Daniel, sar așundea că sas semnime o decreto, gălea peste chăre. Le ferestre catar leschi camera de opral cai denas caring o Ierusalimo sas-le pâtărde. Hai, trinvar ande iech ghies, vo delas cianga, rughilas-pe hai așarelas pesche Devles, cadea sar sas-lo sicado te cherel mai anglal. 26 Dav iech ordino ca, ande orisavo than anda mânro regato, le manușa te izdran daratar angla o Del le Danielosco. Că vo si o Del jiuvindo hai vo așel veșnico. Lesco Regato ci va avela distrugime niciechdata hai lesco raimos si anda sea o timpo.