Matei
6 Tha, cana sas o ghies le Irodosco, i șei la Irodiadachi chăldea angla le manușa cai sas-le acharde code. Le Irodos placeaia-les cadea de but 7 că promitisardea lache prin solaharimos că va dela-la oriso va manghela. 8 Atunci, lachi dei cărdea-la te phenel: „An manghe cade, pe iech tava, o șăro le Ioanosco o Botezătorii”. 9 Cadai buchi holiardea le reges, tha, anda codoia că solahardea angla le manușa cai achardea-le, poruncisardea te avel lache dino o șăro le Ioanosco. 10 Hai bișialdea te avel șindo o șăro le Ioanosco ando phandaimos. 13 Cana așundea cadaia, o Isus tiliardea othar pi barca ande iech than mai țârdino, caște avel corcoro, tha le but manușa așunde cai silo hai avile andal forurea pala leste telal. 15 Tha cana avilea i riat, lesche discipoli avile leste hai phende: „Cado than silo garado hai cărdilea deja târzio. Mech le manușen te jian andel gava te chinen penghe haben”. 16 Tha vo phendea lenghe: „Ci trebul te jian. Den-le tumen vareso te han”. 17 Von phende lesche: „Si amen numai panji manre hai dui mașe cade”. 18 Vo phendea: „Anen-le mande”. 19 Hai phendea codolenghe anda i mulțimea te șion-pe pi ciar. Pala codoia lea le panji manre hai le dui mașe hai, vazdea pesche iacha caring o cerii, phendea iech manghlimos; pala codoia phaglea le manre hai dea-le le discipolenghe, hai le discipoli, codolenghe anda i mulțimea. 20 Cadea, sea-l hale hai ciailiarde-pe; hai sas chidino so așilea: 12 coșuri pherde. 21 Codola cai hale sas-le cam 5 000 murșa, tha vi jiuvlea hai șiavore. 23 Pala soste mechlea le manușen te jian lestar, gălea corcoro po plain caște manghel-pe. Cana avilea i riat, sas-lo corcoro code. 28 O Petru phendea lesche: „Raia, dacă san tu, phen manghe te avav tute po pai”. 29 Vo phendea: „Av!”. Atunci o Petru dea-pe tele andai barca, phirdea po pai hai gălea caring o Isus. 30 Tha, cana dichlea o baro brâșând, darailea. Hai, cana începosardea te jial tele ando pai, dea cingar: „Raia, salvisar-ma!”. 31 Atunci o Isus zinghiardea pesco vast astardea-les hai phendea lesche: „Manuș cai si tut țâra pachiamos, sostar mechlean ca i îndoiala te astarel chio ilo?