Geneza

4 Numai o mas lesca viațaia, adică lesco rat, te na han-les. 8 Pala codoia o Del phendea le Noesche hai lesche șiavenghe, cai sas-le leia: 9 „Acana phandavav iech legământo tumența hai tumare șiavența 10 hai orisavea creatura jiuvindi cai si tumența, ciriclea, animalea hai sea le jiuvindimata pa i phuv cai sile tumența, sea cai avile avri andai arca – orisavea creatura jiuvindi pa i phuv. 11 Da, phandavav iech legământo tumența: Niciechdata ci va mai avena mudarde sea le creaturi jiuvinde prin le bare paia hai niciechdata ci va mai avela iech potopo cai te distrugil i phuv”. 12 Hai o Del mai phendea: „Cado si o semno le legământosco cai phandavav-les tumența hai sea le creaturența jiuvinde cai sile tumența, anda sea le generații cai va avena: 13 Șioav mânro curcubeo ando noro hai vo va avela iech semno le legământosco cărdo mașcar mande hai i phuv. 14 Cana va avela te anav iech noro opral i phuv hai o curcubeo va dichiola-pe ando noro, 15 va avela te anav manghe amintea catar o legământo cai phandadem-les tumența hai le creaturența jiuvinde de orisavo felo, hai le paia ci va mai cărdiona-pe niciechdata iech potopo savo te distrugil sea so si jiuvindo. 16 Cana o curcubeo va dichiola-pe ando noro, me va avela te dichav-les hai va avela te anav manghe amintea catar o legământo veșnico cărdo mașcar o Del hai orisavi creatura jiuvindi pa i phuv”.