Psalmii
5 But si le șucar buchia cai cărdean-le anda amende, o, Iehova, amaro Del, che buchia minunime hai che gânduri caring amende! Chonic ci daștil te avel sar tu! Dacă avelas te vestiv-le hai te dav duma anda lende, avenas prea but caște daștiv te phenav-le! 6 Tu ci camlean jertfea hai ofrandea, tha pâtărdean mânre cana caște așunav. Ci manglean ofrandea thabarde hai ofrandea anda păcato. 7 Atunci phendem: „Dich! Avilem. Ando sulo si scriime anda mande. 8 Mânri plăcerea, o mânro Del, si te cherav so tu cames hai chi legea si ande mande. 9 Phenav i vestea lași le ortomaschi andi bari congregația. Dich că ci încărav mânro mui. O, Iehova, tu jianes mișto cadai buchi! 10 Ci garavav ande mânro ilo chio ortomos. Dav duma anda chi fidelitatea hai anda chi salvarea. Ci garavav chi iubirea loialo hai chio ciacimos andi bari congregația”.