1 Timotei

6 Si ciaces, i devoțiunea sfânto anel iech baro câștigo, tha numai cana iech jeno silo mulțumime soia siles. 7 Că amen ci andeam chanci andi lumea hai nici ci daisaras te îngăras vareso anda late. 8 Cadea că, dacă si amen haben hai hureaimos, va avela te avas mulțumime cadale buchianța. 9 Tha codola cai camen te aven barvale peren ando zumaimos, ando athaimos hai ande but camnimata dilivane cai cheren but jiungalimos, cai șiuden le manușen andi distrugerea hai ruina. 10 Că i iubirea andal love si i rădăcina sea-l buchianghe nasul, hai, anda cadai iubirea, chichiva hasardile catar o pachiamos hai pusadile peste sea bute duchența. 12 Mar tut ando lașio marimos le pachiamasco! Astar zurales i viața veșnico ca savi sanas achardo hai anda savi dean duma angla aver manușa. 18 Phen lenghe te cheren o miștimos, te aven barvale ande lașe buchia, te aven buhle vasteia, gata te den vi averen anda so silen, 19 cadea, von te chiden penghe iech barvalimos cai ci rimol-pe niciechdata. Cadaia si iech lași baza anda o viitorii, caște astaren zurales i ciaci viața.