12. Sar daștis te aves o amal le Devlesco?

1. LE AMALA LE IEHOVASCHE ASCULTIN LESTAR

„Așunen mânre glasostar hai me avaua tumaro Del, hai tume va avena mânro poporo.” (Ieremia 7:23)

Daștis te aves o amal le Devlesco?

Geneza 22:18; Iacov 2:23

O Avraam sas o amal le Iehovasco pentru că ascultisardea le Devlestar hai sas-les pachiamos ande leste.
2 Cronici 16:9

O Iehova ajutil codolen cai ascultin lestar.
Psalmo 25:14; 32:8

O Iehova del înțelepciunea pesche amalen.
Psalmo 55:22

O Iehova susținil pesche amalen.

„Ande sea cadala, o Iov ci păcătuisardea hai ci andea doș anda chanci nasul le Devlesche.” (Iov 1:22)

Sar atachisardea o Satan le Iovos hai sar reacționisardea o Iov?

Iov 1:10, 11

O Satan phendea că o Iov sas egoisto hai că ci iubilas le Devles.
Iov 1:12-19; 2:7

O Iehova meclea le Satanos te lel sea so sas le Iovos. O Satan chiar dea-les iech nasfalimos foarte nasul.
Iov 27:5

O Iov ci jianelas sostar suferilas cadichi de but, tha vo așilo loialo.

„O manuș va dela sea so siles anda lesco sufleto.” (Iov 2:4)

Sar încercol o Satan te distrugil amaro amalimos le Iehovaia?

2 Corinteni 11:14

O Satan încercol te athavel ame caște na ascultisaras le Iehovastar.
Proverbe 24:10

Vo încercol te cherel ame te pachias că ci sam destul de lașe te slujisaras le Iehovasche.
1 Petru 5:8

O Satan atachil-ame.
Proverbe 27:11

Alosar te ascultisares le Iehovastar hai av lesco amal loialo. Ande cado modo, va sicaveia că o Satan si iech hohamno.

„Ita so si i iubirea anda o Del: te încăras lesche porunci.” (1 Ioan 5:3)

Sar daștis te aves o amal le Iehovasco?

Deuteronomo 6:5

Iubisar le Devles, hai cadaia va ajutila-tu te aves ascultătorii.
Isaia 48:17, 18

Ascultisar le Iehovastar hai va avela-tu miștimata veșnico.
Deuteronomo 30:11-14

Av siguro că o Iehova ci va manghe-la tutar niciechdata te cheres vareso so ci daștis.
Filipeni 4:13

Av hotărâme te cheres so si corecto hai o Iehova va dela-tu o zuralimos necesaro.