15. Sar te anas închinarea le Devlesche

1. SAR DAISARAS TE JIANAS SAVI SI I ÎNCHINAREA CIACI

„Chidino si o udar hai tang si i rig cai îngărel viațate hai hanțî si codola cai arachen-la.” (Matei 7:14)

Catar jianas că o Del ci acceptol orsavi închinarea?

• Matei 7:21-23

  O Del ci acceptol sea-l religii. Na sea-l religii cheren i voința le Devleschi.

• Matei 7:13, 14

  I închinarea ciaci îngărel viațate veșnico. I închinarea falso îngărel ca i distrugerea veșnico.

• Matei 7:16, 17

  Daștis te jianes savi si i închinarea ciaci pala lache buchia. Ci trebul te rodes ande sea-l religii; studiisar so phenel i Biblia.

2. SAR TREBULAS TE ANAS ÎNCHINAREA LE DEVLESCHE

• 1 Tesaloniceni 2:13; 2 Timotei 3:16, 17

  Pachia hai sicav i averen numai so phenel i Biblia.

• Matei 4:10; Ioan 17:6

  An închinarea le Iehovasche hai folosisar lesco anav.

• Ioan 13:35

  Sicav ciaci iubirea caring aver.

• Ioan 3:36; Fapte 4:12

  Respectisar so phendea o Isus. O Del hastravel ame prin o Isus.

• Ioan 18:36; Fapte 5:29

  Na hamisao-tu andi politica.

• Matei 24:14; 6:10

  Sicav le manușen că numai o Regato le Devlesco daștil te rezolvil amare probleme.

3. TREBUL TE ȘIOS ANDI PRACTICA SO PACHIAS

So trebul te cheres cana cames ca o Del te acceptol chi închinarea?

• Iacov 2:19

  Nai destul te pachias ando Del. Trebul te cheres so phenel vo andi Biblia.

• Isaia 52:11; Revelația 17:5

  I religia falso, sau „o Babilono o Baro”, sicavel le manușen te anen închinarea le Devlesche ande iech modo cai vo ci acceptil-les. Chichiva sicaimata religioso falso sile anda i Treimea, o nemerimos le sufletosco hai o iado.

• Revelația 18:4, 8

  Pa țâra vremea o Iehova va distrugila sea-l religii falso. Trebul te duriares tutar sea-l buchia cai sile phanglimos la religiaia falso.

• Marcu 10:28-30

  Chiar dacă le manușa va avena contra tuche, o Iehova ci va mechela-tu.