18. Trebulas te dedichiv mânri viața le Devlesche hai te bolau-ma?

1. TREBULAS TE BOLAU-MA

„Ita o pai! So împiedichil-ma te avav boldo?” (Fapte 8:36)

Sostar trebulas te bolau-ma hai sar cherel-pe o bolimos?

O bolimos sicavel că meches palal o modo viațaco anda o trecuto hai începos iech nevo modo viațaco cherindoi i voința le Devleschi.

• Matei 28:19, 20

  Trebul te aves boldo caște slujis le Iehovasche.

• Psalmo 40:8

  O bolimos sicavel avrenghe că cames te slujis le Devlesche.

• Matei 3:16

  Trebul te aves șiuto completo ando pai, cadea sar o Isus.

2. O IEHOVA CI AJUCĂREL NICIECHDATA PREA BUT TUTAR

„Ita so si i iubirea anda o Del: te încăras lesche porunci, hai lesche porunci nai phare.” (1 Ioan 5:3)

Sostar ci trebulas te avel tuche dar te dedichis-tu le Iehovasche?

• Psalmo 103:14; Isaia 41:10

  Ci trebul te aves perfecto caște dedichis-tu le Iehovasche. Vo va ajutila-tu te cheres so si mișto.

• Coloseni 1:10

  I iubirea anda o Iehova va ajutila-tu te naches pal i dar că va aveia te dezamăgis-les.

3. LE PAȘI CAI ÎNGĂREN BOLIMASTE

„Arachav mânri plăcerea te cherav chi voia, o, mânro Del, hai chi legea si andral ande mande!” (Psalmo 40:8)

So trebul te cheres caște dedichis-tu le Iehovasche?

• Ioan 17:3

  STUDIISAR O CUVÂNTO LE DEVLESCO

  Trebul te prinjianes le Iehovas hai le Isus Cristosos. Chichi va aveia te sichios mai but anda lende, cadicheia mai but va avela te iubis-le.

• Evrei 11:6

  ZURIAR CHIO PACHIAMOS

  Șiu chio pachiamos ande le promisiuni le Devlesche hai andi jertfa le Isusoschi, cai daștil te hastravel ame anda o păcato hai merimos.

• Fapte 3:19

  CĂISAR-TU

  Cadaia însemnol te fal-tu sincero pharo anda sea le buchia nasul cai cărdean-le.

  RISAR-TU

  Cadaia însemnol te na mai cheres buchia nasul hai te cheres so si mișto.

• 1 Petru 4:2

  DEDICHISAR CHI VIAȚA LE DEVLESCHE

  Ande iech rugăciunea promitis le Iehovasche că va avela te închinis-tu numai lesche hai că i mai importanto buchi anda chi viața va avela te cheres leschi voința.