19-25 MAI
PROVERBE 14
Ghili 89 hai manglimos | So va dichaia (1 min.)
1. Gândisar tut mișto so va avela te cheres cana si iech dezastro
(10 min.)
Na pachia „orisavi duma” cai așunes-la (Pr 14:15; w23.02 23 ¶10-12)
Na pachia tut ande chio zuralimos sau ande so jianes te cheres (Pr 14:12)
Na așun codolendar cai ci cheren so phenel i organizația le Iehovaschi (Pr 14:7)
GÂNDISAR TUT: Phure, san gata te așunen le Iehovastar hai te pachian tumen ande leste cana avel iech dezastro? (w24.07 5 ¶11)
2. Cuci bara anda o lil le Devlesco
(10 min.)
Pr 14:17 – Sostar si dichlo iachența nasul„codo cai gândil mișto le buchia”? (it-2-E 1094)
So cuci bara arachlean cana citisardean i Biblia ande cado curco?
3. O citimos andai Biblia
(4 min.) Pr 14:1-21 (th lecția 11)
4. Astar te des duma
(3 min.) PREDICHISAR ANDEL THANA CAI PHIREN BUT MANUȘA. Phen vareso andai Biblia ieche manușesche cai silo perado anda le pharimata cai sile aghies le lovența. (lmd o sicaimos 3, puncto 3)
5. Jia parpale le manușende
(4 min.) CHĂR CHĂRESTAR. De le manușesche iech lil anda iech subiecto cai ciailea-les i palutni data cana dean duma lesa. (lmd o sicaimos 9, puncto 4)
6. Cher discipoli
(5 min.) Zuriar le manușes casa sichios te citil ande fiesavo ghies andai Biblia hai sicav lesche sar daștil te cherel cadaia. (th lecția 19)
Ghili 126
7. Te avas pregătime anda iech dezastro
(15 min.) Den duma.
Cadai tema va avela încărdi ieche phurestar. Dacă si tumen chichiva îndrumări catar i filiala sau le phurendar, daștin te anen-len amintea le phralenghe.
Anda codoia că traisaras andel „palutne ghiesa,” jianas că va avela te nachas prin sea mai but pharimata. (2Ti 3:1; nota anda o studio anda Mt 24:8, nwtsty-M) Butivar, angla sau ando timpo cana si iech dezastro, le manușenghe le Iehovasche si lenghe dine îndrumări cai daștin te ajutin-len te așen andi viața. Ande cadai situația, amari viața va încărela catar so cheras acana caște zuriaras amaro pachiamos hai te pregătisaras le buchia cai va trebuna amenghe. (Pr 14:6, 8)
Te zuriaras amaro pachiamos: Te cheras amenghe timpo te citisaras ande fiesavo ghies andai Biblia hai te sichioas corcore anda o Iehova. Te das amari zor te avas mai lașe andi predicarea. Te na daras dacă ci daisaras te das duma iech timpo le phralența andai congregația. (Pr 14:30) Ci sam niciechdata corcore, anda codoia că o Iehova hai o Isus sile pașa amende. (od 176-M ¶15-17)
Te pregătisaras le buchia cai va trebuna amenghe: Fiesavea familia trebul te avel-la o rucsaco anda urgența, tha vi te șion de iech rig pai, haben, draba hai vi aver buchia dacă va trebuna te așen chăre mai but timpo. (Pr 22:3; g17.5-M 4)
Dichen o MATERIALO VIDEO San pregătime anda iech dezastro? Pala codoia, puș le phralen:
Sar ajutil amen o Iehova cana avel iech dezastro?
So daisaras te cheras caște pregătisaras amen?
Sar daisaras te ajutisaras codolen cai nachen prin iech dezastro?
8. Te sichioas andai Biblia andi congregația
(30 min.) bt cap. 26 ¶18-22 hai o chenarii catar i p. 209