9-15 IUNIA

SUMNACAI ANDA O LIL LE DEVLESCO

Iech rrom israelito pesca rromniasa han iech haben simplo ande lengo țâno chăr. — Iech rrom israelito pesca rromniasa han ande iech than iech haben simplo hai sile liniștime

1. Bucurin tumen paceatar andi familia

(10 min.)

Cana des chi zor te rodes i pacea ande chi familia va avena tut but miștimata (Pr 17:1; dich i imaginea)

Na holiar tut anda țâne buchia (Pr 17:9; g 9/14-M 11 ¶2)

Încăr parpale chi holi (Pr 17:14; w08 1/5-M 10 ¶6-11 ¶1)

Iech rrom pesca rromniasa andal ghiesa biblico, beșen ca iech meseili pherdi habenesa, sile barvale tha ci sile fericime. Le dui așen le vastența chidine, i rromni risarel pesco șăro ande aver rig cana laco rrom del duma lasa.

2. Cuci bara anda o lil le Devlesco

(10 min.)

Pr 17:24 - Sar hasaren-pe ‘le iacha codolesche bi goghiaco ji co șăro la phuveaco’? (it-1-E 790 ¶2)

Chio răspunso
So cuci bara arachlean cana citisardean i Biblia ande cado curco?

Chio răspunso

3. O citimos andai Biblia

(4 min.) Pr 17:1-17 (th lecția 10)

TE AVAS MAI LAȘE ANDI PREDICAREA

4. Astar te des duma

(3 min.) DE DUMA ORICAI SAN. (lmd o sicaimos 3, puncto 5)

5. Astar te des duma

(4 min.) PREDICHISAR ANDEL THANA CAI PHIREN BUT MANUȘA. Phen le manușesche că daștil te sichiol tusa andai Biblia. (lmd o sicaimos 6, puncto 4)

6. Cuvântarea

(5 min.) ijwbv-M articolo 60 – Subiecto: So sichioas anda Proverbe 17:17? (th lecția 13)

I VIAȚA SAR CREȘTINI

7. Cheren buchia cai ajutin tumen te den duma mai but iech averesa

(15 min.) Den duma.

Caște avel tumen iech familia fericime, trebul te den duma mai but iech averesa. Cana le jene andai familia pâtren pengo ilo iech averesche, von daștin te aven iech pașa aver hai te zuriaren-pe cana nachen prin pharimata. (Pr 15:22) Sar daștin te ajutin le jenen anda tumari familia te phenen so silen ando ilo hai andi goghi?

Beșen mai but timpo ande iech than. (De 6:6, 7) Cana le jene anda i familia cheren buchi ande iech than, jian ca le întruniri hai andi predicarea ande iech than hai cheren buchia cai ciaion-len ande iech than, i iubirea hai o pachiamos mașcar lende cărdiol mai zuralo. Cana cheren cadal buchia, si mai ușoro te den duma mai but iech averesa. Poiechdata, trebul te cheres buchia cai ciaion le coaveren ando than te cheres so ciaiol tut. Tha, te sicaves iubirea chia familiache si mai importanto sar oriso! (Flp 2:3, 4) Sar daștin te cheren mai șucar o timpo cana beșen ande iech than? (Ef 5:15, 16)

Iech imaginea anda o materialo video „Sar te avel tumen pacea andi familia – Lașiaren o modo sar den duma”. I familia hal ande iech than hai bucuril-pe.

Dichen o MATERIALO VIDEO Sar te avel tumen pacea andi familia – Lașiaren o modo sar den duma. Pala codoia, puș le phralen:

Sar daștin le telefoanea sau aver dispozitivea electronico te cheren amen te na mai das duma cadea de but iech averesa andi familia?

Chio răspunso
Anda cado materialo video, so aver buchia sichioas anda sar te lașiaras o modo sar das duma ande amari familia?

Chio răspunso

Av gata te așunes. (Iac 1:19) Le șiavorre phenen so si ande lengo ilo cana ci daran că va holiarena varecas sau va avena hachiarde nasul. Cadea că, den tumari zor te na holiaren tumen prea but cana tumare șiavorre phenen tumenghe vareso cai ci ciaiol tumen. (Pr 17:27) Mai mișto, așunen-len hai șion tumen ande lengo than. Cheren sea so daștin te hachiaren so si ande lengo ilo hai goghi hai te ajutin-len pherde iubirea.

8. Te sichioas andai Biblia andi congregația

(30 min.) bt cap. 27 ¶19-22 hai o chenarii catar i p. 212