Le manușa zurale ando pachiamos cheren alosarimata goghiaver

Citisar Geneza 25:29-34 caște diches dacă o Esau hai o Iacob cărde alosarimata goghiaver.

Rode te prinjianes o contexto. So sas angla cado evenimento? (Gen. 25:20-28) So sas pala codoia? (Gen. 27:1-46)

Rode te prinjianes mai but buchia. Ande codol ghiesa, save sas le drepturi hai le obligații le șiavesche iechto năștime? (Gen. 18:18, 19; w10 1/5 13)

• Si iech phanglimos sea o timpo mașcar o drepto sar iechto năștime hai o privilegio ca o Mesia te țârdel-pe anda leste? (w17.12 14, 15)

Dich le sicaimata hai încăr conto lendar. Sostar sas mai cuci anda o Iacob o drepto sar iechto năștime mai but sar anda o Esau? (Evr. 12:16, 17; w03 15/10 28, 29) Sar dichlea o Iehova cadale duie phralen hai sostar? (Mal. 1:2, 3) So daisardeas te cherel o Esau caște cherel alosarimata mai lașe?

• Șiu tuche o pușimos: „Sar daștiv te sicavav că anda mande si cuci le buchia spiritualo cana alosarav so cherav ando curco, sar exemplo cherav manghe timpo anda i închinarea andi familia?”.