Le manușa cai sile loialo le Iehovasche încăren pengo solaharimos

Citisar Judecătorii 11:30-40 caște sichios anda sar o Iefta hai leschi șei încărde pengo solaharimos.

Gândisar tut co contexto. Sar dichenas le Israeliți fideli iech solaharimos cărdo le Iehovasche? (Num. 30:2) Sar sicade o Iefta hai leschi șei că pachian-pe ando Iehova? (Jud. 11:9-11, 19-24, 36).

Rode mai but. Soste gândisardea-pe o Iefta cana solahardea le Iehovasche? (w16.04 7 ¶12) So trebunas te mechen palal o Iefta hai leschi șei caște daștin te încăren pengo solaharimos? (w16.04 7, 8 ¶14-16) So solaharimos daștin te cheren le creștini de aghies? (w17.04 5-8 ¶10-19)

Sar daștis te cheres so sichios. Puș tut:

• ‘So daștil te ajutil man te încărav mânro solaharimos că slujiv le Iehovasche anda sea o timpo?’ (w20.03 13 ¶20)

• ‘So daștiv te mechav palal caște slujiv mai but le Iehovasche?’

• ‘So daștil te zuriarel man te încărav mânro solaharimos la căsătoriaco?’ (Mat. 19:5, 6; Ef. 5:28-33)