I LECȚIA 1

Sar del duma o Del amența?

O Del, del duma amența prin i Biblia. (2 Timotei 3:16)

Pa Lesco trono cerisco, o Iehova îndrumisardea niște manușen te scriin i Biblia

O ciacio Del îndrumisardea niște manușen te scriin lesche gânduria ande iech sfânto lil. Codo lil si i Biblia. Ande late si informații importanto saven o Del camel te prinjianes len.

O Del janel so si mai lașo anda mende, că lestar avel i înțelepciunea. Cana ascultis so phenel vo, va avela tu înțelepciunea (Proverbele 1:5).

I Biblia ande mai but șiba; iech murș citil i Biblia ande peschi șib.

O Del camel ca sea manuș te citin i Biblia. Voi si disponibilo ande but șiba.

Te cameia te janes so phenel o Del, trebul te citis i Biblia, thai te hachiares la.

Le manuș pe sea i phuv ascultin so phenel o Del. (Matei 28:19)

Iech Martoro le Iehovasco citil iech verseto andai Biblia ieche murșesche, thai pala codoia studiil i Biblia leia

Le Martori le Iehovasche daștin te ajutin tu te hachiares i Biblia.

Von sikaven o ciacimos le Devlesco pe sea i phuv.

Iech întrunirea ca i sala le Regatoschi le Martorenghi le Iehovaschi

Ci trebul te pochines chanci te sichios o ciacimos. Cai Sala Regatului, o than cai maladon le Martori le Iehovasche oce cai beșes, daștis te sichios anda o Del.