I LECȚIA 3
Sar sas i viața ando Paradiso?
O Iehova dea len but buchia lașe le Adamos thai la Eva. (Geneza 1:28)
O Iehova cherdea la Eva. Voi sas iech-to juvli, vo dea la le Adamosche te avel leschi romni (Geneza 2:21, 22).
O Iehova cherdea lenghe mintea thai corpo perfecto, na-s len defecto.
Lengo cher sas i bar le Edenoschi, oce sas o Paradiso, iech șucar than, oce thabdelas iech pai, sas pomi thai animalurea.
O Iehova delas duma lența; sicavelas len. Te ascultinas lestar, o Adam thai Eva, trainas veșnico ando Paradiso pi phuv.
O Del phendea lenghe te na han anda iech pomo. (Geneza 2:16, 17)
O Iehova sicadea lenghe iech pomo andi bar thai phendea lenghe că te hana anda leste va merena.
Iech anda le îngeri împotrivisailo le Devlesche. Codo îngero nasul si o Satan Diavolo.
O Satan ci camlea ca o Adam thai Eva te ascultin le Devlestar. Anda codoia folosisailo le sapestar caște cherel la Eva te pachial că ci va merela te hala anda-o pomo, că va avela sar o Del. Sas iech hohaimos (Geneza 3:1-5).