Con ascultisardias le Devlestar thai con ci ascultisardias cana avilo o Potopo?

Majoritatea le manușenghi ando timpo le Noiasco cherenas buchia nasul. (Geneza 6:5)

Le Adamos thai la Eva sas len șave, thai arăzle te aven but manușa pi phuv. Pala iech timpo, niște îngeria împotrivisaile le Devlesche thai nachle de rig le Satanoschi.

Von avile pi phuv, cherdile sar le manuș thai line penghe romnia. Lenghe romnia cherde șave cai sas mai bare vi mai zurale de-l manuș. Von cherenas but jungalimata.

I phuv pherdili manușendar cai cherenas nasulimata. I Biblia phenel că „o nasulimos le manușengo sas cadichi de baro că lenghe gânduria thai lengo ilo sas numai te cheren nasul”.

O Noe ascultisardea le Devlestar thai cherdea iech arca. (Geneza 6:13, 14, 18, 19, 22)

O Noe sas iech lașo manuș. O Iehova phendea lesche că va distrugila le manușen nasul ando Potopo.

O Del mai phendea lesche, te cherel iech arca thai te anel ande late pesca familia vi animaluria anda sea specii.

O Noe phendea le manușenghe că va avela o Potopo, tha von ci ascultisarde, asaine lestar thai prasade les.

Cana termenisardea i arca, o Noe andeas le animalurea ande late.