Con si o Del?

1. Sostar trebul te slujisaras le Devlesche?

O ciacio Del si o Creatorii sea-l buchiango. Vo silo andai veșnicia thai va avela anda sea timpo (o Psalmo 90:2). Vo silo i Haing la vesteachi lași cai arachas-la andi Biblia (1 Timotei 1:11). Trebul te slujisaras numai le Devlesche pentru că vo dea-me viața. — Citisar Revelația 4:11.

2. Sar si o Del?

Niciech manuș ci dichlea vrochdata le Devles, pentru că vo si Spirito, adică iech forma viațachi opral pa sea so trail pi phuv (Ioan 1:18; 4:24). Cu sea cadala, ame daisaras te prinjianas-les dichindoi le buchia cai cherdea-le. Sar exemplo, le but feluri fructenghe thai lulughianghe sicaven claro leschi iubirea thai leschi înțelepciunea. Sa cadea, o barimos le universosco sicavel lesco zuralimos. — Citisar Romani 1:20.

Daisaras te sichioas mai but andal calități le Devlesche citindoi i Biblia. Voi phenel-amenghe so placial thai so ci placial le Devles, sar phiradol le manușența thai sar reacționil cana le manuș cheren miștimos sau nasulimos. — Citisar o Psalmo 103:7-10.

3. Siles anav le Devles?

O Isus phendea: „Amaro Dad cai san andel ceruri, te avel sfințome chio anav” (Matei 6:9). Le Devles siles but titluri, tha anav numai iech, cai pronunțol-pe diferime ande aver șiba. Rromanes phendo-lesche „Iehova”, tha unii manuș mai phenen i „Iahve”. — Citisar o Psalmo 83:18.

O anav le Devlesco sas încalado anda but Biblii thai sas șiutino ande lesco than titluri sar Rai ori Del. Tha, ando texto originalo, o anav le Devlesco arachadolas cam 7 000 – avar. O Isus cherdea prinjiando cadoa anav cana sicadea-l manușen andoa Del. — Citisar Ioan 17:26.

Dich o materialo video Siles anav le Devles?

4. Mai gândil-pe o Del amende?

Aghies, pi phuv si but ducha. Însemnol cadaia că o Iehova Del ci mai gândil-pe amende? Unii phenen că vo cherel te avel-ame ducha caște încercol-ame, tha cadaia nai ciaces. — Citisar Iacov 1:13.

O Del dea-me liber-arbitro, adică meclea-menghe o drepto te alosaras andi viața thai cadea sicadea-menghe chichi de but prețuil-ame. Trebul te anas-lesche mulțumiri că same o drepto te alosaras te slujisaras-lesche! (Iosua 24:15). Aghies but alosaren te cheren buchia nasul, anindoi but ducha. O Iehova si duchado cana dichel cadichi de but neciacimos! — Citisar Geneza 6:5, 6.

O Iehova si iech Del cai camel but amaro miștimos. Vo camel te avel-ame iech viața fericime. Anda codoia, pa hanțî timpo vo va șiola șăro le duchenghe ande-ch than codolența cai cheren-le. Tha le Devles siles motivea zurale te mechel anda-ch timpo le ducha. Andi Lecția 8 va dichaia save si cadal motivea. — Citisar 2 Petru 2:9; 3:7, 13.

5. Sar daștis te pașos le Devlestar?

O Iehova invitil-ame te pașoas lestar prin i rugăciunea. Vo interesil-pe fiesavestar anda-mende. (Le Psalmi 65:2; 145:18). Vo camel te iertil-ame. Vo dichel că ame das amari zor caște cheras leschi voia cu sea că po-ch data ci reușisaras. Daisaras te phenas că, cu sea că sam bezăhale daștil-pe te pașoas le Devlestar! — Citisar o Psalmo 103:12-14; Iacov 4:8.

O Iehova si codova cai dea-me viața. Anda codoia les trebul te iubisaras-les mai but sar oricas averchanivas (Marcu 12:30). Caște pașos catoa Iehova trebul te sichios mai but anda leste thai te cheres leschi voia. Cadea sicaves chi iubirea caring leste. — Citisar 1 Timotei 2:4; 1 Ioan 5:3.