Si i vestea lași ciaces le Devlestar?

1. Castar avel i Biblia?

I vestea lași că le manuș va traina veșnico pi phuv sili scriime andi Biblia (o Psalmo 37:29). Andi Biblia si 66 lila. O Del alosardea cam 40 murș fidelo caște scriin-le. O mai anglal panji lila scriisardea-le o Moise cam 3 500 bărș mai anglal. O mai palal lil scriisardea-les o Ioan acana mai but sar 1 900 bărș. Tha casche sas le gânduri cai von scriisarde-le? O Del cherdea-lenghe prinjiando prin o spirito sfânto so trebulas te scriin (2 Samuel 23:2). So scriisarde von sas le gânduri le Devlesche, na lenghe gânduri. Anda codoia, i Biblia avel catoa Iehova. — Citisar 2 Timotei 3:16; 2 Petru 1:20, 21.

Dich o materialo video Catar avel i Biblia?

2. Sostar daștis te aves siguro că i Biblia avel le Devlestar?

I Biblia avel le Devlestar pentru că phenel mai anglal o viitorii exacto ji ande o mai țâne buchia. Niciech manuș ci daștil te cherel cadai buchi (Iosua 23:14). Numai o Del O Mai Zuralo daștil te phenel mai anglal o viitorii exacto le manușengo. — Citisar Isaia 42:9; 46:10.

Pentru că avel le Devlestar, nai niciech lil sar i Biblia. Miliardea Bibliienghe sile dine ande șăla șibanghe. Cu sea că sili but purani, voi si andi armonia la științaia. Le 40 murș cai scriisarde-la ci contrazicisai-le mașcar peste.a Mai but, i Biblia sicavel i iubirea le Devleschi. I aghies sila o zuralimos te paruvel i viața le manușenghi thai te chere-la mai lași. Cadal buchia, cherde milioanea manușenghe te pachian că i Biblia si o Cuvânto le Devlesco. — Citisar 1 Tesaloniceni 2:13.

Dich o materialo video Sostar daisaras te avas siguri că i Biblia si le Devlestar?

3. So arachas andi Biblia?

Andi Biblia arachas i vestea lași că le Devles siles iech scopo iubitorii le manușența. Voi sicavel sar hasarde le manuș o privilegio te train ande-ch paradiso pi phuv thai sar va avela ji la urmă i phuv iech paradiso. — Citisar Revelația 21:4, 5.

Sa cadea, ando Cuvânto le Devlesco si legi, principii thai sfaturi. Mai but, sicavel-amenghe sar phiradilo o Del le manușența thai cadea cherdea prinjiande Pesche calități. Cadea că, i Biblia daștil te ajutil-tu te prinjianes le Devles thai sicavel sar daștis te arăsăs le Devlesco amal. — Citisar o Psalmo 19:7, 11; Iacov 2:23; 4:8.

4. Sar daștis te hachiares i Biblia?

O Isus ajutisardea le manușen „te hachiaren le Scripturi”. Vo phenelas versetea anda-l Scripturi thai explichilas-le. Sa cadea cadai broșura va ajutila-tu te hachiares i Biblia. — Citisar Luca 24:27, 45.

Hanțî buchia si cadichi de șucar sar i vestea lași cai avel le Devlestar! Cu sea cadala, cana așunen-la, unen ci interesil-le, thai aver chiar holeaon. Tha na mec te peraven-tu! Chi speranța te trais veșnico va pherdiola-pe numai cana arăsăs te prinjianes le Devles. — Citisar Ioan 17:3.