Sar daștin te folosin mai mișto le love

Soavrăn si ame nevoia lovendar te das amara familia so trebul-la (Proverbe 30:8). Ji la urmă, „le love anen ocrotirea” (Eclesiasto 7:12). Sar rrom hai rromi, daștilas te avel tumenghe pharo te den duma anda le love, tha na mechen ca anda lende te avel tume problemea andi căsnicia (Efeseni 4:32). O rrom hai i rromni trebul te pachian-pe iech ande aver hai te den duma pe soste va șiona le love.

1 GÂNDIN TUME MIȘTO SO VA CHERENA

SO PHENEL I BIBLIA: „Con anda tumende cai camel te vazdel iech turno ci beșel tele mai anglal hai ci calculil i cheltuiala, caște dichel dacă siles soia te terminil-les?” (Luca 14:28) Si importanto te stabilin ande iech than so va cherena le lovența (Amos 3:3). Gândisaren tume anda so si tume nevoia hai chichi love va daștina te șion (Proverbe 31:16). Chiar dacă si tume love caște chinen iech buchi ci însemnol că trebul vi te chinen-la. Cheren eforturi caște na cheren tumenghe camimata. Șion numa le love cai si tume (Proverbe 21:5; 22:7).

SO DAȘTIS TE CHERES:

• Dacă co sfârșito le șonesco așilea tume vareso love, len iech decizia ande iech than so va cherena lența.

• Dacă nachlean i limita, len măsuri lașe caște cheren le cheltuieli mai țâne. Sar exemplo, ando than te han ando foro, daștinas te cheren vareso hamasco chăre.

2 AV SINCERO HAI DICH LE BUCHIA CADEA SAR SILE

SO PHENEL I BIBLIA: „Te cheras sea le buchia ande iech modo cinstime na numai andel iacha le Iehovasche, tha vi andel iacha le manușenghe” (2 Corinteni 8:21) Phen ciaces che partenerosche chichi love cheres hai pe soste șios-le.

Cana trebul te les decizii importanto andal love, de duma sea o timpo che parteneroia (Proverbe 13:10). Dacă va dena duma sincero anda cadai buchi, va încărena i pacea ande tumari căsnicia. Dich le love so cheres-le că sile la familiache, na numai chire (1 Timotei 5:8).

SO DAȘTIS TE CHERES:

• Den duma chichi love daștin te șiol fiesavo anda tumende bi te pușel le coaveres.

• Na ajucheren ji cana avel iech problema caște den duma andal love.