I Lecția 4

Introducisar mișto le versetea

Matei 22:41-45

OBIECTIVO: Mai anglal te citisares iech texto biblico, pregătisar i goghi codolenghe cai așunen-tu.

Gândisar-tu sostar cames te citisares iech anumime verseto. Introducisar o verseto cadea te sicaves savi si i ideea importanto cai cames te încalaves-la anda o verseto.

Încăr conto catar o contexto. Phen casche si le cuvintea cai citisares-le hai con si o scriitorii le lilesco biblico.
Sicav că andai Biblia des duma. Cana des duma manușența cai pachian ando Del, phen că i Biblia si o Cuvânto le Devlesco hai sicav că voi si i sursa catar avel i înțelepciunea.
Ușteav o intereso caring o verseto. Șiu iech pușimos cai lesco răspunso arachel-pe ando verseto, phen iech problema cai lachi soluția si ando verseto sau phen iech principio sicado andi relatarea biblico savi cames te citisares-la.

Gândisar-tu so jianen deja codola cai așunen-tu anda o subiecto hai anda o verseto. Introducisar ande iech modo cai astarel i atenția chiar vi iech verseto prinjiando hai ajutisar codolen cai așunen-tu te dichen-les ande aver felo.