So trebun te jianen codola cai aven co congreso

MANUȘA DE ORDINE I buchi le manușenghi de ordine si codoia te ajutin tumen. Mangas tumen șucar te cheren so phenen tumenghe von ande soste priveal i parcarea, o than catar te den andre andi parcarea hai catar te înclen, anda cai te beșen tele hai anda aver buchia.

BOLIMOS Savatone de teharin, codola cai bolen-pe trebun te șion-pe andel thana șiute de iech rig anda lende – cai sile angla i scena – angla so te astarel i cuvântarea anda o bolimos. Fiesavo jeno trebul te anel pesche iech prosopo hai iech costumo de baie decento.

DONAȚII Pochinde-pe but love ca amen te aven amen thana cai te beșas, te așunas hai te dichas mișto o programo hai sas cărde vi aver buchia, caște daisaras te bucurisaras amen catar o congreso hai te pașioas vi mai but le Iehovastar. Prin amare donații daisaras te ajutisaras lovența caște aven pachiarde cadal cheltuieli hai caște susținisaras i lucrarea mondialo. Ando than cai încărel-pe o congreso sas șiute cutii andal donații. Daștin te cheren vi donații online dacă jian po donate.jw.org. Tumare donații sile zurales cuci. O Corpo de Guvernare mulțumil tumenghe că suștinin bare ilesa i buchi le Regatoschi.

PRIM AJUTOR Mangas tumen te na bâstrăn că cado departamento silo numai andal cazuri de urgență.

BUCHIA HASARDE Sea le buchia arachle trebun te aven andine ca cado departamento. Dacă hasardean vareso, jian ca cado departamento te dichen dacă tumare buchia sile code. Le șiave cai hasarde-pe catar penghe dada trebun te aven andine cade. Cu sea cadala, caște na arăsăl-pe ande cadai situația phari, mangas tumen șucar te len sama pe tumare șiavorre hai încăren-len pașa tumende.

CANA RODEN TUMENGHE IECH THAN Mangas tumen te sicaven lașimos caring le coaver. Na bâstrăn: Daștin te încăren thana numai anda codola cai aven tumența andi mașina, anda codola cai beșen tumența ando chăr sau anda codola casa studiin. Mangas tumen te na mechen diferime buchia pe le thana cai ci camen te beșen.

CODOLA CAI CAMEN TE DEN IECH VAST Dacă camen te den iech vast ca diferime buchia caște jial mișto o congreso, mangas tumen te phenen cadaia co Departamento andal informații hai codola cai camen te den iech vast.

Pregătime catar o Corpo de Guvernare le Martorengo le Iehovasche