RODE TE PRINJIANES MAI BUT
Pregătisar chio ilo
Cana sichioas anda i Biblia, camas te arăsăl ande amaro ilo so sichioas anda o Iehova. Daisaras te sichioas catar o Ezra, savo „pregătisardea pesco ilo caște rodel sfato andi Legea le Iehovaschi”. (Ezra 7:10) Sar daștis vi tu te pregătis chio ilo?
Mang tut. Cana astares te sichios anda i Biblia, cher iech manglimos. Mang le Iehovas te ajutil tut te hachiares hai te cheres ande chi viața so sichios. (Ps. 119:18, 34)
Av mai umilo. O Del garavel o ciacimos le manușendar baricane, cai pachian-pe ande pengo goghiaverimos. (Luca 10:21) Na rode te jianes mai but caște des tut baro angla le coaver. Sa cadea, sicav umilința hai av gata te paruves chi goghi pala i goghi le Devleschi.
Așun iech anda amare ghilea. Le ghilean silen o zuralimos te den duma le ilesa, hai ajutin amen te gândisaras amen le Iehovaste. Cadea, le buchia cai sichioas-len va arăsăna ande amaro ilo.