I Biblia phenel că i viața le manușeschi sili „harni hai pherdi ducha”. (Iov 14:1) Tha cadea camlea o Del te avel amari viața? Dacă ci camlea te avel cadea, so camel o Del anda amende? Va avela amari viața vroiechdata cadea sar vo camel? Mai dur, va avela te dichas so răspunsuri cai zuriaren amaro ilo del-ame i Biblia.

1. So camel o Iehova anda amende?

O Iehova camel te avel-ame iech viața zurales șucar. Cana cărdea le dintune manușen, le Adamos hai la Eva, o Del șiutea-le ande iech șucar paradiso: i bar le Edenoschi. Pala codoia, „o Del binecuvântisardea-le hai phendea lenghe: «Aven roditori, butiaon-tume hai pheren i phuv hai supunin-la»”. (Geneza 1:28) O Iehova camlea ca le manușen te aven-le șiave, te cheren sea i phuv iech paradiso hai te len sama catar le animalea. Vo camlea te aven-le iech sastimos perfecto hai te na meren niciechdata.

Chiar cana aghies amari viața na-i cadea,a o Del ci parudea-pe; vo camel te cherel anda amende sa codol buchia cai camlea-le catar o începuto. (Isaia 46:10, 11) O Del camel vi acana ca le manușa cai așunen lestar te train fericime anda sea o timpo, bi te aven-le ducha sau pharimata. (Citisaren Revelația 21:3, 4.)

2. Sar daștil te avel-ame iech viața fericime încă de acana?

Cana cărdea-ame, o Iehova șiutea ande amaro ilo i nevoia te prinjianas-les hai te anas lesche închinarea. (Citisaren Matei 5:3-6.) Vo camel te avel-ame iech amalimos chidino leia, ‘te phiras ande sea-l buchia pe lesche riga, te iubisaras-les hai te slujisaras-les sea amare ileia’. (Deuteronomo 10:12; Psalmo 25:14) Cana cheras cadea, daisaras te avas ciaces fericime, chiar cana nachas prin pharimata. Cana anas închinarea le Iehovasche hai traisaras cadea sar camel vo, simțosaras că amari viața na-i de ivea; atunci hachiaras sostar cărdea-ame o Del.

3. O Iehova camel sea so si mai lașio hai șucar anda amende

Dichen o MATERIALO VIDEO hai pala codoia den duma:

MATERIALO VIDEO: Sostar cărdea o Del i phuv? (iech cotor) (1:41)

• Sostar cărdea o Del amari șucar phuv?

Citisaren Eclesiasto 3:11 hai pala codoia den duma:

• Tu so sichios catar anda o Iehova?

4. O Iehova ci parudea so vo camlea te cherel de mai anglal anda amende

Citisaren Psalmo 37:11, 29 hai Isaia 55:11 hai pala codoia den duma:

• Catar jianas că o Iehova ci parudea so vo camlea te cherel de mai anglal anda amende?

5. Cana anas închinarea le Iehovasche hachiaras sostar samas cărde

MATERIALO VIDEO: Acana som ciaces fericime (5:03)

• Sar parudea-pe i viața la tărniachi Terumi cana hachiardea so camel o Del anda late?

Citisaren Eclesiasto 12:13 hai pala codoia den duma:

• Anda codoia că o Iehova cărdea cadea de but șucar buchia anda amende, amen so trebul te cheras anda leste?

SO SICHILEAM

O Iehova camel te bucurisaras-ame viațatar anda sea o timpo, cade pi phuv, bi te aven-ame ducha sau pharimata. Cana anas închinarea le Devlesche anda sea amaro ilo, jianas sostar cărdea-ame hai so camel vo anda amende încă de acanara.

So dichleam

• So camlea o Iehova catar o începuto anda o Adam hai i Eva?

• Catar jianas că so camlea o Del anda le manușa ci parudea-pe?

• Sar daștil te avel-tu iech șucar viața?

RODE MAI BUT

Va avela te diches sostar daisaras te pachias că i bar le Edenoschi sas-li ciaces.

„I bar le Edenoschi – Paramici sau ciacimos?” (O Turno de veghe, 1 ianuaria 2011)

Va avela te hachiares sostar daisaras te pachias că i phuv va așela anda sea o timpo.

„Va avela i phuv distrugime?” (Articolo pa amaro site-o)

Va avela te diches sar daștil te ajutil-tu i Biblia te hachiares sostar cărdea-ame o Del.

„Sostar cărdea-ame o Del?” (Articolo pa amaro site-o)

Va avela te prinjianes ieche murșes cai pachiaia că siles sea so trebul-les, tha arachlea i mai importanto buchi andi viața.

Acana jianav so camel o Del anda mande (3:55)

2. Con va raila ande iech than le Isusoia?

O Isus ci rail corcoro. „Manușa anda orisavo tribo, șib, poporo hai națiunea . . . va raina sar regi pa i phuv.” (Revelația 5:9, 10) Chichi manușa va raina ande iech than le Cristosoia? De cana o Isus sas-lo pi phuv, milioanea manușa alosarde te aven lesche discipoli. Tha numai 144 000 mașcar lende jian ando cerii caște rain ande iech than le Isusoia. (Citisaren Revelația 14:1-4.) Sea le coaver manușa cai alosarde te aven lesche discipoli va avena te train pi phuv, tela o raimos cadale Regatosco. (Psalmo 37:29)

O Regato le Devlesco rail acana ando cerii. Pa țâra timpo, vo va anela bare paruimata pi phuv. Ande cadai lecția va avela te dichas chichiva miștimata cai va avena tela o raimos le Regatosco.

1. Sar va anela o Regato le Devlesco i pacea hai o ortomos pi phuv?

O Isus, cai si o Rege le Regatosco le Devlesco, va chosela pa i phuv co Armaghedono, sea le manușen nasul hai sea le guvernea. (Revelația 16:14, 16) Atunci va pherela-pe cu sea i șucar promisiunea cai cherel-la i Biblia: „Încă țâra timpo hai codola nasul ci va mai avena”. (Psalmo 37:10) Prin o Regato, o Isus va cherela ca i pacea hai o ortomos te pheren i phuv. (Citisaren Isaia 11:4.)

2. Sar va avela i viața cana i voința le Devleschi va cherela-pe pi phuv?

Tela o raimos le Regatosco le Devlesco, „codola orta va moștenina i phuv hai va traina pe late anda sea o timpo”. (Psalmo 37:29) Beș hai gândisar-tu sar va avela te trais ande iech lumea cai sea le manușa sile lașe hai orta, iubin le Iehovas hai iubin-pe iech averes. Chonic ci va mai avela nasfalo hai le manușa va traina anda sea o timpo.

3. So va cherela o Regato le Devlesco pala so va chosela pa i phuv codolen nasul?

Pala so va chosela pa i phuv codolen nasul, o Isus va raila sar Rege 1 000 bărșa. Ande codo timpo, vo hai le 144 000 manușa cai va raina ande iech than leia, va ajutina le manușen te arăsăn perfecți. Pala so va nachena le 1 000 bărșa, sea i phuv va avela iech șucar paradiso hai sea le manușa va avena fericime, anda codoia că va încărena le legi le Iehovasche. Pala codoia, o Isus va dela o Regato parpale pesche Dadesche, o Iehova. Atunci, ‘o anav le Devlesco va avela sfințome’ mai but sar oricana. (Matei 6:9, 10) Savore va jianena că o Iehova si iech lașio Conducătorii cai dichel cuci codolen cai așunen lestar. O Iehova va mudarela le Benghes, le demonen hai vi codolen cai alosaren te așen contra Lesche raimasche. (Revelația 20:7-10) Sea o traio zurales șucar cai va cherela-les o Regato le Devlesco anda amende, va așela anda sea o timpo.

HACHIAR MAI MIȘTO

4. O Regato le Devlesco va șiola șăro ca o raimos le manușengo

„Iech manuș rail opral aver manuș ande lesco hasarimos.” (Eclesiasto 8:9) Prin pesco Regato, o Iehova va cherela te na mai avel cado baro neciacimos.

Citisaren Daniel 2:44 hai 2 Tesaloniceni 1:6-8 hai pala codoia den duma:

• So va cherela o Iehova hai lesco Șiav, o Isus, codolența cai rain pi phuv hai le manușența cai sile de lenghi partea?

• Acana că jianes sar si o Iehova hai o Isus, sostar pachias zurales că von va cherena so si ciaces orta?

5. O Isus si o mai lașio Rege

Sar Rege le Regatosco le Devlesco, o Isus va cherela but șucar buchia anda le manușa pa i phuv. Dichen o MATERIALO VIDEO cai avel, caște hachiaren sar sicadea deja o Isus că camel te ajutil le manușen hai că o Del dea-les o zuralimos te cherel cadai buchi.

MATERIALO VIDEO: O Isus sicadea so va cherela o Regato le Devlesco (1:13)

Le buchia cai cărdea-le o Isus cana sas pi phuv sicade so va cherela o Regato le Devlesco pe sea i phuv. Save anda le miștimata sicade mai dur ajucăres-le o mai but? Citisaren le versetea cai aven caște dichen chichiva anda cadal miștimata.

6. O Regato le Devlesco va anela amenghe iech șucar viitorii

MATERIALO VIDEO: So miștimata zurales șucar ajucăren-ame (4:38)

Citisaren Psalmo 145:16 hai pala codoia den duma:

• Sar zuriarel-tu te jianes că o Iehova ‘va dela codolenghe jiuvinde sea so camel lengo ilo’?

SO SICHILEAM

O Regato le Devlesco va cherela sea so camel o Del. Va cherela i phuv iech paradiso pherdo manușa cai va anena închinarea le Iehovasche anda sea o timpo.

So dichleam

• Sar va sfințola o Regato le Devlesco o anav le Iehovasco?

• Sostar daisaras te pachias că o Regato le Devlesco va pherela le promisiuni la Bibliache?

• Savi buchi cai va anela-la o Regato, ajucăres anda sea o ilo?

RODE MAI BUT

Va avela te hachiares so si o Armaghedono.

„So si o Armaghedono?” (Articolo pa amaro site-o)

Va avela te diches so phendea o Isus anda o „baro necazo”.

„So si o baro necazo?” (Articolo pa amaro site–o)

Va avela te hachiares sar daștin codola andai familia te dichen-pe ande iech than ando Paradiso.

Gândisar-tu că san ando Paradiso (1:50)

Anda o articolo „Sas-ma but pușimata cai ci denas-ma pacea”, va avela te diches sar arachlea răspunsuri ca lesche pușimata iech manuș cai marelas-pe contra i politica.

„I Biblia paruvel i viața le manușenghi” (O Turno de veghe, 1 ianuaria 2012)