• Sar te las lașe decizii
    Bucurisar-tu viațatar anda sea o timpo! – Iech lil cai ajutil-tu te hachiares i Biblia

    • 5. Le sama pe averenghi conștiința

      Le manușa sile diferime, anda codoia alosaren diferime. Sar daisaras te sicavas că las sama pe averenghi conștiința? Te dichas dui situații:

      Situația 1: Iech phei cai placial-la te cherel-pe șucar hai folosil machiajo muchil-pe ande aver congregația, cai but pheia ci dichen mișto cadai buchi.

      Citisaren Romani 15:1 hai 1 Corinteni 10:23, 24 hai pala codoia den duma:

      • Cadea sar sicaven le versetea, so daștilas te alosarel amari phei? Dacă chi conștiința mechel-tu te cheres iech buchi cana san varecaia, tha leschi conștiința ci mechel-les, so va avela te cheres?

      Situația 2: Iech phral jianel că i Biblia phenel că ci si vareso nasul dacă piel iech țâra alcoolo, tha vo alosarel te na piel niciech țâra. Vo si achardo ca iech abiav cai dichel phrala că pien alcoolo.

      Citisaren Eclesiasto 7:16 hai Romani 14:1, 10 hai pala codoia den duma:

      • Pala sar phenen cadal versetea, so daștilas o phral te alosarel te cherel? Cana diches varecas că cherel buchia cai chi conștiința phenel că ci sile lașe, so va avela te cheres?

      So daștis te cheres caște les lașe decizii?

      Iech jiuvli cai manghel-pe.

      1. Mang le Iehovas te ajutil-tu te jianes so te cheres. (Iacov 1:5)

      Sa codoi jiuvli rodel sfaturi andi Biblia, ande amare publicații hai po calculatorii.

      2. Rode andi Biblia hai ande amare publicații le gânduri le Iehovasche cai daștin te ajutin-tu. Mai but, daștis te des duma varecaia zuralo spiritualo.

      Sa codoi jiuvli beșel hai gândisarel-pe.

      3. Gândisar-tu dacă so alosares te cheres va avela mișto sau nasul anda chi conștiința hai anda averenghi.