• So va ajutila-tu te studiis mai dur i Biblia?
    Bucurisar-tu viațatar anda sea o timpo! – Iech lil cai ajutil-tu te hachiares i Biblia

    • 4. Sicav că o studio biblico si zurales importanto anda tute

      Poiechdata simțosaras că si amen cadea de but buchia te cheras, că na-i amen timpo te studiisaras i Biblia. So daștil te ajutil-ame? Citisaren Filipeni 1:10 hai pala codoia den duma:

      • Save si ‘le buchia mai importanto’ andi viața?

      • Sar daștis te sicaves că o studio biblico si zurales importanto anda tute?

      A. Colajo: Scene cai sicaven iech vaso pherdo bara hai chișai. 1. Chișai hai bare bara. 2. Iech vaso aproape pherdo chișai. 3. Chichiva bare bara sile opral po chișai tha averen ci mai sas len than. B. Colajo: 1. Sea codoi chișai hai sea codola bare bara. 2. Sea codo vaso aproape pherdo barența. 3. I chișai jial mașcar le bare bara hai pherel o vaso. Pașa o vaso mai si zurales țâra chișai.

      1. Dacă șios ande iech vaso chișai hai pala codoia cames te șios vi bara, cadalen ci va mai avela len than

      2. Dacă șios mai anglal le bara, va avela than te șios vi chișai. Sa cadea, dacă șios po iechto than andi viața le buchia mai importanto, va avela-tu timpo te cheres vi aver buchia

      Anda codoia că o Del șiutea ande amaro ilo i nevoia te prinjianas-les hai te anas lesche închinarea, trebul te studiisaras i Biblia. Citisaren Matei 5:3 hai pala codoia den duma:

      • Ce miștimata si amen cana șioas o studio biblico po iechto than ande amari viața?