Lil catar o Corpo de Guvernare
„Trebulas te aven sicaitori.” (Evr. 5:12) Gândisar-tu: o Iehova, o mai baro Sicaitorii anda o universo, invitil-ame te sicavas avren anda leste! Caște phenas avrenghe o ciacimos anda o Iehova – codolenghe andai familia, andai congregația sau anda o teritorio – si iech privilegio șucar hai iech responsabilitatea phari! Sar daștil te avel-ame succeso?
O răspunso arachas-les andel cuvintea le apostolosche Pavel cai phendea-le le Timoteiosche: „Continuisar te dedichis-tu te citis publico, te îndemnos hai te sicaves”. O Pavel mai phendea: „Cherindoi cadea, va avela te salvis-tu vi tut hai vi codolen cai ascultin tu”. (1 Tim. 4:13, 16) O mesajo so trebul te phenes-les salvil vieți. Anda codoia, si importanto te citis hai te sicaves mișto. Cadai broșura sas cărdi te ajutil-tu ande cado senso. Dich chichiva anda lache caracteristici:
Pe fiesavi pagina si iech texto biblico cai reprezentil iech principio cai siles phanglimos la lecțiaia hai iech modelo demno savo trebul te avel urmărime.
O Iehova si o Baro Sicaitorii. (Is. 30:20) Chiar cana cadai broșura va ajutila-tu te citis hai te sicaves mai mișto, te na bistres niciechdata că o Iehova si i Sursa amare mesajosche hai că vo țârdel le manușen peste. (Ioan 6:44) Anda codoia, rughisar-tu anda o spirito sfânto. Folosisar mai but o Cuvânto le Devlesco. Țârde sea o timpo i atenția caring o Iehova, na caring tute. Cher eforturi te bariares ando ilo codolenghe cai ascultin-tu iech iubirea profundo caring leste.
Tu primisardean i invitația caște phenes o mai importanto mesajo cărdo prinjiando vroiechdata le manușenghe. Sam siguri că, dacă șios chio pachiamos „ando zuralimos cai del-les o Del”, va avela-tu succeso! (1 Petru 4:11)
Che colaboratori ando sicaimos,
O Corpo de Guvernare le Martorenghe le Iehovasche