5. So manghel o Iehova catar pesche amala

Butivar, ajucăras-ame ca amare amala te cheren vareso anda amende.

• Sar cameias te phiraven-pe tusa che amala?

Citisaren 1 Ioan 5:3 hai pala codoia den duma:

• So manghel o Iehova catar pesche amala?

Caște ascultisaras le Iehovastar, daștil-pe că trebul te na mai cheras buchia nasul hai te paruvas amaro phiraimos. Citisaren Isaia 48:17, 18 hai pala codoia den duma:

• Sostar manghel o Iehova pesche amalendar te cheren paruimata ande penghi viața?

Angla o bolimos, trebul te sichios anda o Iehova hai te bariares chio pachiamos ande leste. (Citisaren Evrei 11:6.) Cana va avela te prinjianes mai mișto le Iehovas hai te pachias-tu ande leste, va avela te iubis-les vi mai but. Pala codoia, va cameia te des duma averența anda leste hai te avel-tu iech phiraimos cadea sar vo camel. (2 Timotei 4:2; 1 Ioan 5:3) Cana ieche manușes siles „iech phiraimos cadea sar camel o Iehova”, daștil-pe că va camela te del peschi viața le Devlesche hai te bolel-pe.a (Coloseni 1:9, 10)

Te phenas că varecon hastradea chi viața cana sas te tasos ando pai. Va avela te bâstres sigo so cărdea codo manuș anda tute? Sau va avela te rodes te sicaves lesche că si cuci anda tute so cărdea vo?

Anda codoia că o Iehova sicadea lașimos caring amende, amen daisaras te traisaras anda sea o timpo. Citisaren 1 Ioan 4:8-10 hai pala codoia den duma:

• Sostar o merimos le Isusosco si iech cadouo zurales baro?

• So si ande chio ilo cana jianes so cărde o Iehova hai o Isus anda tute?

Sar daisaras te sicavas că dichas cuci so cărde o Iehova hai o Isus anda amende? Citisaren 2 Corinteni 5:15 hai 1 Ioan 4:11; 5:3. Pala soste citisaren fiesavo verseto, den duma:

• Pala sar phenel o verseto, sar daisaras te sicavas că o merimos le Isusosco si cuci anda amende?

De cana astardean te studiis i Biblia, si mai pașă chio ilo le Devlestar? Cameias te zuriares chio amalimos leia? Dacă da, na bâstăr că chichi mai but va bariola chi iubirea anda o Iehova, cadichi mai but vo va iubila-tu hai va lela sama pe tute. Cadea că, sar daștis te sicaves le Iehovasche că chio ilo marel anda leste?

1. Sar daisaras te sicavas le Iehovasche că amaro ilo marel anda leste?

Amen sicavas le Iehovasche că amaro ilo marel anda leste cana așunas lestar. (Citisaren 1 Ioan 5:3.) Vo ci spidel chanicas te așunel lestar. Mai but, vo del fiesaves i ocazia te alosarel dacă va așunela lestar sau nici. Sostar? Anda codoia că o Iehova camel ‘te așunas anda sea o ilo’. (Romani 6:17) Cadea că, vo camel te așunes lestar anda ilo, anda codoia că iubis-les, na anda codoia că san spidime. Le părți 3 hai 4 anda cado lil va ajutina-tu te hachiares că daștis te sicaves chi iubirea caring o Iehova, cana cheres so si mișto ande lesche iacha hai cana duriares-tu le buchiandar cai vo dichel-le nasul.

2. Sostar daștil te avel pharo te sicavas le Iehovasche că amaro ilo marel anda leste?

„But sile le pharimata codolesche orta”. (Psalmo 34:19) Savore sam imperfecți hai îngăras iech marimos amența. Mai but, nachas prin pharimata le lovența, neciacimata hai but ducha. Cana nachas prin pharimata sar cadala, daștilas te avel amenghe pharo te cheras so manghel amendar o Iehova, anda codoia că iech drom nasul fal-pe că avelas mai ușoro te phiras pe leste. Tha cana cheres sea so phenel tuche o Iehova, sicaves că iubis-les mai but sar oriso hai că san lesche loialo. Anda codoia, vi o Iehova va avela loialo caring tute hai ci va mechela-tu niciechdata. (Citisaren Psalmo 4:3.)

4. Bucurisar o ilo le Iehovasco

Citisaren Proverbe 27:11 hai pala codoia den duma:

• So si ando ilo le Iehovasco cana dichel că san goghiaver hai așunes lestar? Sostar?

5. Daștis te așes loialo le Iehovasche

MATERIALO VIDEO: Te las sama pe amaro pachiamos vi cana aver așen amenghe contra (5:09)

• Si tuche pharo te des duma averenghe anda o Iehova?

• So ajutisardea le phrales Grayson te nachel părdal pesche daraimata?

Va avela tuche mai ușoro te așes loialo le Iehovasche dacă iubis so vo iubil hai dacă urâs so vo urâl. Citisaren Psalmo 97:10 hai pala codoia den duma:

• Anda so sichilean ji acana, save si chichiva buchia cai o Iehova iubil-le? Save si chichiva buchia cai o Iehova urâl-le?

• Sar daștis te sichios te iubis o lașimos hai te urâs o nasulimos?

6. Cana așunas le Iehovastar si amen miștimata

Te așunas le Iehovastar si sea o timpo ande amaro miștimos. Citisaren Isaia 48:17, 18 hai pala codoia den duma:

• Pachias că o Iehova jianel sea o timpo so si o mai lașio anda amende? Sostar?

• So miștimata si tut anda codoia că studiis i Biblia hai că prinjianes le ciace Devles, Iehova?

SO SICHILEAM

Amen sicavas le Iehovasche că amaro ilo marel anda leste cana așunas lestar hai cheras so phenel amenghe vo vi cana ci si amenghe ușoro.

So dichleam

• So sichilean anda o exemplo cai mechlea-les o Iov?

• Sar daștis te sicaves că chio ilo marel anda o Iehova?

• So va ajutila-tu te așes loialo le Iehovasche?

RODE MAI BUT

Va avela te hachiares sar daștis te așes loialo le Iehovasche hai la congregațiache.

„Codoleia loialo va avela te phiraves-tu loialo” (16:49)

Va avela te diches mai but anda le buchia nasul cai o Satan phendea-le andal manușa.

„O Iov așel integro” (I Biblia – Savo si laco mesajo?, i partea 6)

Va avela te diches sar daștin vi le țâne șiavorre te sicaven penghi iubirea caring o Iehova.

Bucurisar o ilo le Iehovasco (8:16)

Sar daștin le tărne te așen loialo le Devlesche vi cana lenghe colegi spiden-le te cheren vareso nasul?

Aș contra o anturajo! (3:59)