• Con si le îngeri hai so cheren von?
    Bucurisar-tu viațatar anda sea o timpo! – Iech lil cai ajutil-tu te hachiares i Biblia

    • 2. Con si o Satan hai lesche demoni?

      Chichiva îngeri ci așile pașa o Iehova. O iechto îngero cai șiutea-pe contra o Del ‘bușiol Beng hai Satan hai vo athavel sea i phuv pe savi beșen le manușa’. (Revelația 12:9) O Satan camlea te avel ando than le Devlesco hai te rail vo opral savore. Anda codoia, vo athadea le Adamos hai la Eva, hai pala iech timpo vi avere îngeren, caște na mai așunen le Iehovastar. Cadal îngeri, cai șiute-pe vi von contra le Devlesche, bușion demoni. O Iehova șiudea-le anda o cerii tele, pi phuv, hai na pa but timpo, va chosela-le cu sea. (Citisaren Revelația 12:9, 12.)

      3. Sar camen o Satan hai le demoni te athaven-ame?

      O Satan hai le demoni athaven bute manușen prin o spiritismo. Cadaia si iech buchi nasul prin savi varecon camel te del duma le spiritența. Sar exemplo, unii manușa jian codolende cai drabaren andel cerhaia, cai den ando ghioco, cai den duma le spiritența sau cai pachian că daștin te sastiaren averen. Aver roden tratamentea medicalo cai silen phanglimos le spiritența. Mai but, le manușa sile athade te pachian că daștin te den duma le mulența. Tha o Iehova phenel amenghe de mai anglal: „Te na jian caring codola cai den duma le spiritența hai te na pușen codolen cai den ando ghioco”. (Levitico 19:31) Vo phenel amenghe de mai anglal cadal buchia, caște feril-ame catar o Beng hai lesche demoni. Von sile le dușmani le Devlesche hai camen te cheren amenghe nasul.

  • O Regato le Devlesco rail acana!
    Bucurisar-tu viațatar anda sea o timpo! – Iech lil cai ajutil-tu te hachiares i Biblia

    • 2. Sar parudea-pe i lumea hai o phiraimos le manușengo anda o bărș 1914?

      Le discipoli pușle le Isusos: „Savo va avela o semno cai va sicavela chi prezența hai o phandaimos cadale sistemosco?”. (Matei 24:3) O Isus phendea lenghe că, pala soste va astarela te rail sar Rege ando Regato le Devlesco, va avena mai but buchia, sar avenas le marimata, o bochalimos hai le izdraimata phuveache. (Citisaren Matei 24:7.) Mai but, i Biblia phendea de mai anglal că, anda codoia că le manușa va phiravena-pe nasul, andel „ghiesa de palal” va avena timpuri phare, „cai phares va cărdiola lenghe fața”. (2 Timotei 3:1-5) Anda o bărș 1914, sea cadal buchia dichen-pe vi mai but.

      3. Sostar si le buchia pi phuv sea mai nasul de cana o Regato le Devlesco rail?

      Ca țâra timpo pala soste o Isus sas cărdo Rege ando Regato le Devlesco, vo phiradea iech marimos ando cerii contra o Beng hai lesche demoni. O Beng hasardea codo marimos. I Biblia phenel că „sas-lo șiudino pi phuv, hai lesche îngeri sas-le șiudine ande iech than leia”. (Revelația 12:9, 10, 12) Le Benghes siles iech bari holi, anda codoia că jianel că va avela mudardo. Cadea că, vo si codo cai cherel but nasulimos hai anel pe sea i phuv iech bari duch. Cadaia ajutil-ame te hachiaras sostar aghies andi lumea, le buchia jian cadea de nasul. O Regato le Devlesco va chosela pa i phuv sea cadal ducha.