Te sicavas lașimos cadea sar o Iehova

1. Tu, amaro Del Iehova,

sicaves but lașimos.

San loialo, pherdo mila

hai iubis o ortomos.

Tu Dade, lașe iachența

amende diches, jianas.

Angla tute, bare Devla,

das cianga, tut așaras.

2. Vi che manușa, Iehova,

sicaven chio lașimos

prin i vestea cai phenen-la,

prin lengo phiraimos.

Des amen spirito sfânto

hai vi le lașe phuren.

Te avas lașe sar tu san,

Dade, sicaves amen.

3. De amen chi zor, Iehova,

lașimos te sicavas

amare gugle phralenghe,

prin sea so amen cheras.

Tha vi le vecini hai neamuri

te dichen că sam chire.

Hai orisave manușesa

te avas ciaces lașe.