I LECȚIA 9

Cana va avela i phuv iech Paradiso?

Le necazuri pa-i phuv sicaven că o Regato le Devlesco va avela sigo. (Luca 21:10, 11; 2 Timotei 3:1-5)

Probleme andal ghiesa de palal: jocuri de noroc, războaia, nasfalimos, hanțî hamasco, șiave cai ci ascultin pesche dadendar thai violența andi familia

I Biblia phendea mai anglal so avelas te cherdiol ande amare ghiesa. Voi phendea că le manuș va iubina le love, ci va ascultina lenghe dadendar, va avena jungale thai va iubina le plăceri.

Mai phendea că va avena bare izdraimata phuviache, războaia, boch thai nasfalimata. Sea cada-l buchia sile aghes.

Iech Martoro le Iehovasco predichil i vestea lași andoa Regato ieche murșesche

O Isus phendea că i vestea le Regatoschi va avela predichime pe sea i phuv (Matei 24:14).

O Regato va duriarela sea o nasulimos. (2 Petru 3:13)

Le nasul va avena distrugime coa Armaghedono, pala codoia o Satan thai lesche demoni va avena pedepsime

O Iehova va distrugila pa hanțî timpo sea manușen nasul.

O Satan thai lesche demonia va avena pedepsime.

O Isus așel pe lesco trono cerisco thai manuș anda diferime rase bucurin-pe

Con ascultin le Devlestar ci va merena von va traina pi phuv ande iech lumea nevi thai ciaci, cai ci va mai avela dar. Ande codo-i lumea le manuș va iubina-pe thai va pachiana iech ande avreste.