Trebul amenghe iech lumea mai lași!
„Traisaras ande iech lumea pherdi pharimata”, phendea o secretarii le Națiunengo Unito, António Guterres. Pachian vi tumen cadai buchi?
Le știri cai așunas-le ande fiesavo ghies daștin te peraven-ame:
nasfalimata hai pandemii
dezastrea naturalo
ciorâmos hai boch
poluarea hai tachimos globalo
mudarimata, marimata hai corupția
războaia
Si ciaces, trebul amenghe iech lumea mai lași. Iech lumea ande savi te avel:
sastimos perfecto
siguranța hai securitatea anda savore
but haben
iech medio sastevesto
ciacimos anda savore
pacea pe sea i phuv
So si cadai lumea nevi?
So va avela la lumeaia ande savi traisaras acana?
So daisaras te cheras caște traisaras ande iech lumea mai lași?
Cado număro anda O Turno de veghe va zuriarela-ame prin le răspunsuri cai del-le i Biblia cadale pușimatande hai averende cai sile phanglimos lența.