Evanjil Wafunday Mateu
1 Buku ulejena rusangu* ra Yesu Kristu* mwan ikundj wa David, mwan ikundj wa Aburaham.
2 Aburaham wamuvala Izak;
Izak wamuvala Yakob;
Yakob wamuvala Yuda ni anamakwend;
3 Yuda wamuvala Perez ni Zera, wayivala nend Tamar;
Perez wamuvala Eziron;
Eziron wamuvala Ram;
4 Ram wamuvala Aminadab;
Aminadab wamuvala Nashon;
Nashon wamuvala Solomon;
5 Solomon wamuvala Bowaz, wamuvala nend Rahab;
Bowaz wamuvala Obed, wamuvala nend Rut;
Obed wamuvala Yese;
6 Yese wamuvala mwant David;
David wamuvala Salomon, wamuvala nend mband wa Uriya;
7 Salomon wamuvala Robowam;
Robowam wamuvala Abiya;
Abiya wamuvala Asa;
8 Asa wamuvala Yosafat;
Yosafat wamuvala Yoram;
Yoram wamuvala Oziyas;
9 Oziyas wamuvala Yotam;
Yotam wamuvala Akaz;
Akaz wamuvala Ezekiyas;
10 Ezekiyas wamuvala Manase;
Manase wamuvala Amon;
Amon wamuvala Yosiyas;
11 Yosiyas wamuvala Yekoniya ni anamakwend pa chisu chadingau mu winkwal mu Babilon.
12 Kupwa kwa kudokal mu winkwal mu Babilon, Yekoniya wamuvala Shelitiyel;
Shelitiyel wamuvala Zorobabel
13 Zorobabel wamuvala Abiyud;
Abiyud wamuvala Eliyakim;
Eliyakim wamuvala Azor;
14 Azor wamuvala Sadok;
Sadok wamuvala Akim;
Akim wamuvala Eliwud;
15 Eliwud wamuvala Eliyazar;
Eliyazar wamuvala Matan;
Matan wamuvala Yakob;
16 Yakob wamuvala Jozef nfumwend a Mariy, wamuvala Yesu utazukinau anch Kristu.
17 Chawiy majuku mawonsu, kusambishin ku Aburaham kushik ku David mading 14; kusambishin ku David kushik ku winkwal mu Babilon, majuku 14; kudokal ku winkwal mu Babilon kushik ku Kristu, majuku 14.
18 Ou wawiy mutapu wavadikay Yesu Kristu. Pa chisu chading chamutondinau kal makwend Mariy kud Jozef, wimisha kusutin spiritu* utumbila kurutu atijan. 19 Mulong nfumwend Jozef wading muntu utentamina ni kakatap kumukwatish usany kurutu kwa antu, wakimba kumulik ku ujindj. 20 Pakwez, kupwa kwa kutongin pa yom yiney, mwangel wa Yehova* wamumekena mu chilat, wamuleja anch: “Jozef, mwan ikundj wa David, kangal wov wom wa kumusend mukajey Mariy, mulong wimishin kusutin spiritu utumbila. 21 Ukuval mwan ikundj ni ey ukumupil anch Yesu,* mulong ndiy ukuyipandish* antwend ku yitil yau. 22 Yom yawonsu yiney yasadika mulong wa kuwanyish yom yalonday Yehova kusutin muprofet wend, palonday anch: 23 “Tal! Changadim kajik ukez kwimish ni ukez kuval mwan ikundj, akez kamupil anch Emanuwel, dijin dirumburikina anch “Nzamb Ud Netu.”
24 Chawiy Jozef walanka pa tul, wasala mud mwamulejau kud mwangel wa Yehova, ni wamusenda mukajend. 25 Pakwez, kalalijanap nend kushik ni pavadinay mwan ikundj, ni wamupila anch Yesu.