Uruu uda mu Bibil

Dichap

Yehova Nzamb ukwet mbil ya kuyikel. Mutapu wend wa kuyikel ud uwamp nakash. Chitongijok chend mulong wa divu ni mulong wa antu chikuwanyin kamu.

Adam ni Ev mu Chir cha Eden ad piswimp ni nnak

Kupwa kwa muvu wa 4026 K.C.C.

“Nnak” utadikishin mbil ya Yehova ya kuyikel ni mutapu wend wa kuyikel. Yehova ushidinamu kulangwish “mwan,” ap “rubut,” ukeza kamuchany rawonsu nnak uda Satan. (Disambishil 3:1-5, 15) Pakwez, Yehova ulikidin anch antu iyikela ayinau mu chisu kanang payitakedinau kud nnak.

Aburaham ukat kutesh kushilamu kwa Nzamb

Muvu wa 1943 K.C.C.

Yehova wamulej kal Aburaham anch “mwan” washilawamu ukez kadokal mu dijuku dend.—Disambishil 22:18.

Kupwa kwa muvu wa 1070 K.C.C.

Yehova wamwinkish kal Mwant David kashinsh ni kupwa mwanend Salomon anch “mwan” washilawamu ukudokal mu mulong wa majuku mau.—2 Samwel 7:12, 16; 1 Ant 9:3-5; Isay 9:6, 7.

Muvu wa 29 C.C.

Yehova wamekesh kal anch Yesu ndiy “mwan” washilawamu ukuswana pa ditand da David.—Galatiya 3:16; Luka 1:31-33; 3:21, 22.

Muvu wa 33 C.C.

Nnak, Satan, wamusum kal pakemp “mwan” washilawamu kusutin kumujip Yesu. Yehova wamuvumbul kal Yesu mulong wa kwikal ni mwom mwiur ni witiy kal usey wa mwom uwanyidina wa Yesu, chinech chamwinkish kal mutapu wa kulikishin yitil ni kuyinkish an a Adam mwom wa chikupu.—Disambishil 3:15; Midimu 2:32-36; 1 Korint 15:21, 22.

Nnak, Satan, amudjubul kal pa divu mud mulejenau mu Kujingunik

Piswimp ni muvu wa 1914 C.C.

Yesu wamudjubul kal nnak, Satan, pa divu, ni wamulamin kal kwinakwa mu kachisu kakemp.—Kujingunik 12:7-9, 12.

Yesu ukat kuyikel pa divu kudokal pa ditand dend mwiur mud mulejenau mu Kujingunik

Machuku ma Kurutu

Yesu ukumutek Satan mu rukan mu mivu 1 000 ni kupwa ukumushesh, mu kulond kwa chifanakesh, ukumuchany ku mutu. Mwamu chitongijok cha Yehova mulong wa divu ni mulong wa an a antu chikuwanyin, dijin dend akuditokish ku masaal min mawonsu ni mutapu wend wa kuyikel akuulondin.—Kujingunik 20:1-3, 10; 21:3, 4.