Difundish dia 15

Arund nend Nzamb asadiling yom yiwamp

Anch ukwet murund ukatininga ni kulimish, upakishining kwikal mud ndiy. Baibel ulondil anch: “[Yehova, NW] udi muwamp, utentamin salal!” (Kuseng 25:8) Chakwel kwikal murund nend Nzamb, tufanyidin kwikal awamp ni atentamina salal. Baibel ulondil anch: ‘Mwilakejany Nzamb mulong en udiany anend akatilay, ni dandamenany kwendil mu rukat.’ (Efes 5:1, 2) Tal mitapu yimwing ukutwisha kusal mwamu:

Yikwasha akwen. “Chifanyidin etu kusal nawamp kudi antu awonsu.” —Galatia 6:10.

Sal mudimu nakash. “Chifanyidin muntu mwij alika kwiy, chad asambisha kusal mudimu wakin [nich makas mend, NW].”—Efes 4:28.

Ikal wishitwila ku mujimbu ni mu manangu. “Twitokishany ku tuyimp twawonsu twa mujimbu ni muchim, twikalany antu atumbila mu wom wa Nzamb.”—2 Korint 7:1, TMK.

Tal yid ya dijuku diey nich rukat ni kalimish. “Chawiy ni yenen kand muntu ni muntu . . . amukata mukajend mudi mwikatilay amwinend; ni mband alimisha mfumwend. En an, yiziyilany anvajen.”—Efes 5:33–6:1, TMK.

Mekesh rukat kud akwen. “Chifanyidin etu kudandamen kukatijan muntu ni mukwau, mulong rukat ridiokil kudi Nzamb.”—1 Yohan 4:7.

Ziyil ku yijil ya ngand. ‘Chifanyidin antu awonsu kuziyil kudi in kutakel [guvernema] . . . Yifutany yom yawonsu yifanyidinau kuyifut. Yitad kudi asotila yitad.’ —Rom 13:1, 7.