Rusot ra Nzamb Rid ik?

Nzamb usotin etu tushakama mu chisambu ni mu musangar chikupu mu paradis pa divu!

Ukutwish kwiyipul anch, ‘Mutapu ik chikutwisha kushiken chom chinech?’ Bibil ulondin anch Want wa Nzamb ukez kutwishish kusal mwamu, ni ridi rusot ra Nzamb rakwel anch antu awonsu ileja piur pa Want winou ni piur pa rutong rend padi etu.—Kuseng 37:11, 29; Isay 9:7.

Nzamb usotin tutaninamu ayinetu.

Mudi tatuku muwamp usotina mashakamin mapandakena kuwap ma anend, Tatukwetu wa mwiur usotin anch twikala mu musangar wa chikupu. (Isay 48:17, 18) Chawiy, ndiy washilamu anch muntu mwawonsu “ukata kusal rusot ra Nzamb ukez kupand chikupu.”—1 Yohan 2:17.

Nzamb usotin twendila mu jinjil jend.

Bibil ulondin anch Sakatang wetu usotin ‘kutulej rusot rend chad etu twendila mu jinjil jend.’ (Isay 2:2, 3) Ndiy watonda “antu . . . mulong wa dijin diend” chakwel ijikisha rusot rend pa divu diawonsu.—Midimu 15:14, TMK.

Nzamb usotin twikal mu uumwing wa difukwil diend.

Pa ndond pa kwauril antu, difukwil dishitwila dia Yehova diyitekin mu uumwing wa rukat rakin. (Yohan 13:35) Ov, nlel unou anany ayifundishina amakundj ni amband kwi ndond kwawonsu mutapu wa kusadil Nzamb mu uumwing? Tukwitin weza utana kurumburik kwa chipul chinech mu broshir winou.