Daniel ni Badj Wend wa Chitentam

YESU wayiswejina antakel a relijon ading atentamina ku mes kwau ayinau pasambishau kwov ujim chisu chamanau ansangarum akat kumushiman Nzamb mukach mwa antu. Pa chinech, Yesu wayipula anch: “Ov, kand kal utanganyip anch, Ey warijekina kal kushiman mukan mwa an akemp ni achidia kwamu?”​—⁠Mateu 21:​15, 16.

Daniel, mwan wa mivu musamban, wakumangana ku chitentam cha rudim ra in Russie cha mu Allemangne, waleta chilakej chiwamp kudi ansand adandamedina kumushiman Yehova. Daniel wakumangana ku chitentam cha Atuman a Yehova ku Duisburg pamwing ni makwend ni mpanyend mband. Kading kapamp kau ka kusambish kukumangan ku chitentam chijim mudi chinech. Yom yawonsu yadinga yisu: hotel, in kukumangan avud, kutentam mu machuku masatu, dibabatish, kuwejaku ni dram. Ov, Daniel wading nich mwikadil wa mutapu ik? Mwikadil wend waleta chilakej chiwamp.

Diamond kupwa kwa chitentam, Daniel wadiokala kand ku chikumbu pamanch kurutu kwa chisu chakwel kuya ku shikol kwadingau ni kulam an. Ov, yom ik yadinga yichidi pa jaket wend? Wading udjit badj wend wa chitentam! Makwend wamuleja anch: “Chitentam chapwa kal. Ilel ukutwish kudiosh badj.” Pakwez, Daniel wamwela anch: “Nikatin anch antu awonsu ijika kwisu nadinga ni ijika yom nilejang.” Chawiy lel, dichuku diawonsu ku shikol ya kulam an, Daniel wadjala badj wend nich musangar. Pamwipulau kudi mulej wend piur pa badj winou, Daniel wamurumburila program wa chitentam.

Mu kusal mwamu, Daniel walondula chilakej cha tunan ni tunan twa ansangarum ni ayangadim akata kumushiman Yehova mukach mwa antu mu yitot ya mivu.