Tumusadilany Nzamb Nich “Muchim Umwing ni Mupim Umwing”
AYUDA ni antu akarumuka ayombamu bwalikan in kwilej a Yesu Kristu. Didi Dichuku dia Pentakost, angendj eza ku Yerusalem kudiokal kulemp nakash mudi kurand kwa Rome ni kudiokal kwingangel kwa Partiy. Chisak chinech chilondil jindim kushalijan. Pakwez, in kwilej a Yesu isambina nau adi in Galaliya. Angendj amwing ashimoka ipula anch: “Ing etu twov nchik mu rudim retu ritwavadika nich?”—Mid. 2:8.
Kambuy Pita watumbuk ni warumburil chirumburikina chishimushimu chadinga chimenau. Chisak chitiyija kapamp kamwing uruu winou. Ayibabatisha tunan twa antu asu! (Mid. 2:41) Ap anch yid ya chikumangen yavulijana swa-swa, adinga awonsu mu uumwing. Luka mwin kufund Bibil ulondil anch: “Chisak chawawiy itiya chading ni muchim umwing ni mupim umwing.”—Mid. 4:32.
Tunan twa antu ababatishau pa dichuku dined dia Pentakost mu muvu wa 33 C.C. asota kushakamamu chisu chilemp mu Yerusalem chakwel ileja yom yivud piur pa ritiy rau risu. Pakwez, awiy pezau kadingap nich chitong cha kushakamamu chisu chilemp. Chawiy kwadinga kuswir kwa kusang yom yimwing ya ku mujimbu. In kwitiyij amwing alandisha mapit mau ni ayiletina atwimbuy nfalang jatanau mulong wa kuyinkishaj antu adinga mu maswir. (Mid. 2:42-47) Ngikadil yiwamp ya muchim wa kupan mudi ik!
Chisu chawonsu in Kristu akin ading nich muchim wa kupan mudi winou. Nlel, chikumangen cha Ukristu chidandamedin kumusadil Yehova mu uumwing ni “muchim umwing ni mupim umwing.” In Kristu amwing apanining chisu chau, usu wau, nfalang ni mapit mau mulong wa rusangu ruwamp ni mulong wa kutwal kurutu yisakin ya Want wa Nzamb.—Tal mushet “Mitapu ya Kupan Kushalijan.”
[Kamushet kadia pa paj wa 6, 7]
Mitapu Ya Kupan Kushalijan
MILAMBU MULONG WA MUDIMU WA PA MANGAND MAWONSU
Antu avud atekining kuns, ap kwitekin uvud kanang wa nfalang mwi nfalang jau jitekiningau mu mishet pafundinau anch “Mudimu wa pa Mangand Mawonsu.”
Ngond ni ngond, yikumangen yitumining nfalang jinej ku biro wa Atuman a Yehova usadidila mu jingand jau. Chitwishikin kand kuyitum kapamp kamwing milambu yiney ya nfalang ya kwikatin ku Watchtower Bible and Tract Society of New York, Inc., Attention Treasurer’s Office, 25 Columbia Heights, Brooklyn, New York 11201-2483, ap ku biro wa mutiy wa Atuman a Yehova udia mwi ngand yen. Chifanyidin kufund mukand ukuya pamwing ni mashek matuminingau ku adres udia piur ap mulong wa kwijikish anch ajipana ku “Watchtower.” Chitwishikin kand kulambul yileng ya usang ni yom yikwau ya usey. Milambu yiney yifanyidin kuyitum nich mukand ulejena patok anch yidi yipan.
KWOVIJAN KWA MULONG WA KUTAMBUL MABAZ
Chitwishikin kutek nfalang mu dijin dia Watch Tower Bible and Tract Society of Pennsylvania chakwel ajisadila mulong wa mudimu wa pa mangand mawonsu. Pakwez, anch wajit akutwish akuchirishinaj. Anch usotil jinsangu jikwau piur pa mutapu wa kusal mwamu mufundina Treasurer’s Office mu adres udia piur ap, ap mutazuka nich telefon ku nimero unou (718) 560-7500.
MITAPU YIKWAU YA KUKWASH MUDIMU
Kuwejin pa milambu ya nfalang, kuding mitapu yikwau ya kupan mulong wa kukwash yisakin ya mudimu wa Want wa pa mangand mawonsu. Mudi:
Asurans: Chitwishikin kumutek Watch Tower Bible and Tract Society of Pennsylvania mudi ditenchik dikutwisha kwisakin asurans winou ap mudi kulik mudimu.
Kutek Nfalang ku Bank: Kutek nfalang ku bank, mapaper malejena anch watekin nfalang ku bank, ap muntu ukutwisha kujisend ukutwish wajitek mu dijin dia Watch Tower Bible and Tract Society of Pennsylvania chakwel ajisend anch wafa, kukwatijan nich yijidik ya bank wa pol pen.
Mapit: Chitwishikin kumwinkish Watch Tower Bible and Tract Society of Pennsylvania mapit mudi yipan.
Mukand Ushilay Mufu: Chitwishikin kupan kupan mapit mudi chipan ap, anch chikal mudi chikumbu, chifanyidin kusambel kufund mukand ulejena muntu ukuchiswana pachidiay mwom. Isamba ni biro wa mutiy udia mwi ngand yen kurutu kwa kufund mukand mudi winou.
Kupan Nfalang pa Muvu: Dined didi ditenchik dikutwishay muntu kutum nfalang ku chapu chisotinay chikatau kusadil Atuman a Yehova. Pakwez, mwin kupan, ap muntu utondilay mwin kupan, chapu chinech chikusambish kumwinkish uvud kanang wa nfalang wovijadinau pa muvu ni muvu mu mwom wend wawonsu. Mwin kupan ukutambul chitad chimulejina nfalang jidiokilamu pa muvu ni muvu.
Mbil ya Uswan ni Kufund Mukand: Chitwishikin kumushil Watch Tower Bible and Tract Society of Pennsylvania mapit ap nfalang kusutil ku kufund mukand ulejena anch ukwet mbil ya uswan, ap chifanyidin kumujimbul Watch Tower Bible and Tract Society of Pennsylvania mudi ndiy ukweta mbil ya kuswan mapit. Chifanyidin kutenchik mikand kanang mulong wa kupan mapit ku dirijek dia chirelijon.
Mu mazu “mitapu yikwau ya kukwash mudimu” mudi kand mitapu yiney ya kupan nich yimwitininga mwin kupan atenchika yom. Chakwel kuyikwash antu asotilinga kukwash mudimu wa pa mangand mawonsu wa Atuman a Yehova kusutil ku mitapu yikwau ya kukwash mudimu, atenchikin kal broshir umwing mu Inglish ni mu Espagnol ukwet mutu wa mulong ulondila anch: Mitapu Yikwau Ya Kukwash Mudimu wa Want pa Mangand Mawonsu. Broshir winou amufunda mulong wa kulet jinsangu pa mitapu kushalijan yitwishikina mulong wa kupan milambu yipaninau katat ap kusutil ku kumit kurutu kwa rufu. Kupwa kwa kutang broshir ni kwijik nawamp yom yisambidinamu kukwatijan nich mbil, chikuyiswapel kukwash relijon wetu ni midimu ya kuyikwash antu pa mangand mawonsu ni kutaninamu nakash pa chisu chisadilau mwamu. Chitwishikin kumutambul broshir winou anch wamwitany kapamp kamwing ku Biro Ulejena Mitapu Yikwau ya Kukwash Mudimu.
Chakwel kutambul jinsangu jivud, ukutwish wisamb ni Biro Ulejena Mitapu Yikwau ya Kukwash Mudimu, kusutil ku kumufundil mukand ap ku kumutazuk ku telefon, kusutil ku adres udia kwishin oku, ap ukutwish wisamb ni biro wa mutiy udia mwi ngand yen.
Biro Ulejena Mitapu Yikwau ya Kukwash Mudimu
Watch Tower Bible and Tract Society of Pennsylvania
100 Watchtower Drive
Patterson, New York 12563-9204
Telephone: (845) 306-0707