Ov, Mulong Wak Ufanyidin Kushinshikin pa Relijon Wey?

Tongin bil anch uswiridin ku kubaril chakwel uyerika ku mayej mamwing makash. Ukusot kumuchingejin chakin kamu mwingang, mulong mwom wey udi mu makas mend. Ov, chikutwishap kwikal chiwamp kushinshikin bil pa yom yasalay kal?

Chilik chimwing, chiwapidil kushinshikin relijon wetu nawamp. Anch udi mu dirijek dimwing dia chirelijon, mulong utekin mwom wey wa muspiritu mu makas ma relijon winou. Kuwejaku ni ruchingej rey ra kupand.

Yesu waleta chiyul chikutwisha kutukwash kushinshikin nawamp piur pa relijon. Ndiy walonda anch: “Mutond wawonsu akat kuwijikin ku mabuj mau.” (Luka 6:44) Chilakej, anch washinshikin pa chisak chimwing ap relijon kanang, ov, mabuj ik makwetay? Ov, antakel a relijon winou akasikeshin nakash piur pa nfalang? Ov, yid yend yilondwil yijil ya Bibil piur pa njit ap kwishitul? Kupwa, ov, chifanyidin kwitiyij mu relijon win mwawonsu? Tukwitin chakwel ushinshikina pa yom yilondwilaku.