Yakul ku Yipul ya Bibil

Mutapu ik tukutwisha kwikal ni musangar mu uruw?

Yiyul ya Bibil piur pa kwikal ni uruw wa musangar yitwishining mulong yidiokil kudi Yehova Nzamb udia Musul wa uruw. Yikat kutulej mutapu wa kwikal ni mikadil yiletina musangar mu uruw ni yitubabeshin piur pa mikadil yikutwisha kuyipish uruw. Yitulejin kand mutapu wa kwambamb kuletina musangar mu uruw.​—Tang Kolosay 3:8-10, 12-14.

Amakundj ni akajau afanyidin kwitapil dilau ni kulimishijan umwing ni mukwau. Anch awonsu aad itiyij mudimu wayinkishau kudi Nzamb mu uruw, akutwish kwikal ni musangar.​—Tang Kolosay 3:18, 19.

Ov, chom ik chikata kusal anch uruw ulaba?

Ambay a uruw akutwish kushakam pamwing anch akatijadin umwing ni mukwau. Nzamb utufundishin mutapu wa kukatijan. Ndiy ni Mwanend, Yesu adi yilakej yiwanyidina ya rukat ra kwipan.​—Tang 1 Yohan 4:7, 8, 19.

Anch angatan ni akajau alimishin uruw mudi ditenchik dia Nzamb, akez kushakam awonsu pamwing. Nzamb watanga uruw chakwel wikala uumwing wa chisu chawonsu pakach pa ikundj ni mband chakwel majuku mikala mu diking. Uruw ukutwish kulab mulong Nzamb wayitanga ikundj ni mband chakwel awanyisha maswir ma ku mujimbu ni ma mu yovil ma umwing ni mukwau. Wayitanga kand pa chifu chend, ni ukaliweny wa kwimburij rukat rend.​—Tang Disambishil 1:27; 2:18, 24.