Yakul ku Yipul ya Bibil
Anany akuya mwiur, ni mulong wak?
Ma milliyon ma antu makwet ruchingej ra kuya mwiur pakufau. Yesu walonda anch atushalapol end ashinshamena akez kushakam mwiur. Kurutu kwendendiy kufa, wakana anch ndiy ni Tatukwend udia mwiur ayitenchikidin ndond.—Tang Yohan 14:2.
Mulong wak akuyivumbul antu a pamangand mulong wa kuya kushakam mwiur? Mulong wak ukusal mwamu? Yesu wayileja atwimbuy end anch akwikal ant. Akez kuyikel pa mangand.—Tang Luka 22:28-30; Kujingunik 5:10.
Antu Awamp Awonsu Ayiling mwiur?
Mu jingand jivud, ching kusu antu akemp awiy ayikediling. Mulong Yesu ukuvumbul antu mulong wa kuya mwiur chakwel atwisha kuyikel pamangand, tumen anch antu inay atondinau akwikal kusu akemp. (Luka 12:32) Bibil walejana patok mutapu ukezay Yesu kuyikel ni antu avud.—Tang Kujingunik 14:1.
Yesu watenchika ndond mwiur mulong wa in kwilejend kanang. Wij yikuyau kasal mwinimwa?
Antu inay akuya mwiur kakwikalap ayinau akutambula difut. Antu aziyidila ku Want wa Yesu akez kusanger mwom wa chikupu mu paradis ukutenchikau pa mangand. (Yohan 3:16) Antu amwing akez kandam mu paradis kupwa kwa kupand ku disheshik dia ditenchik dined diyimp dia yom. Akwau akez kwandam pa kuvumbuk.—Tang Kuseng 37:29; Yohan 5:28, 29.