Yakul ku Yipul ya Bibil
Afu akwikal kand ni mwom?
Chakin Sakatang wa mwom ukutwish kuchirich antu ku mwom
Yehova Nzamb ndiy Musul wa mwom. (Kuseng 36:9) Chidi kuburen manangu kutong anch Nzamb winou ukuchirish mwom wa antu afa kal? Bibil utwinkin kashinsh anch ukusal mwamu mu machuku ma kurutu am. (Tang Midimu 24:15) Pakwez mulong wak ukusal mwamu?
Sakatang wetu wamutanga muntu mulong wa kushakam pa divu chikupu. (Disambishil 1:31; 2:15-17) Rawiy rutong rend piur pa antu. Ukat kwov nayimp pamenay milong turishina nich nlel—mwom wizwila too nich mar ni milong nakash.—Tang Job 14:1, 14, 15.
Kwisu kukushakamau antu akuvumbulau?
Nzamb wayitanga antu mulong wa kuya mwiur? Bwat. Nzamb wayitanga angel mulong wa kushakam mwiur. Pakwez, wayitanga antu mulong wa kushakam pa divu. (Disambishil 1:28; Job 38:4, 7) Nich chitongijok chinech, shinshikin pa antu avumbulay Yesu. Wachirisha antu ku mwom ching kamu pa divu dined. Chilik chimwing, avud pakach pa antu akuvumbulau kurutu oku akwikal ni mwom pa divu dined.—Tang Yohan 5:28, 29; 11:44.
Pakwez, Nzamb watonda antu akemp akuvumbuka mulong wa kwikal ni mwom mwiur, mwinimwa akwikal ni mijimbu ya muspiritu. (Luka 12:32; 1 Korint 15:49, 50) Antu inay akuvumbuka mulong wa kuya mwiur akuyikel mudi ant pamwing nend Kristu pa mangand.—Tang Kujingunik 5:9, 10.