Tusadilany Mutapu Uwamp Abuku Akuru
1 Antu aruzukin mamiliyon ma abuku akuru mu mabibiliyotek ndond yawonsu pa divu. Ap mwamu, ov, ukwash ik wa chikupu ukweta abuku inay ku chisak cha ukamuntu? (Eccl. 12:12, NW) Mikand yipwitidina yitongijok ku Want wa Nzamb ni ku yikusala Want winou mulong wa ukamuntu yidi ya usey ujim. Yikumangen yivud yikwet abuku kushalijan mud inay mwi nkil yau, abuku apalangeshau kurutu kwa 1985. Mu Chiwong tukupan abuku inay akuru.
2 Akwet Usey wa Kashinsh: Amwing pakach petu akutwish kutong anch abuku inay adi akuru nakash mu kwisikej ni mikand yetu ya katat, pakwez tufanyidin kuvurik anch akwet uyakin wa Baibel. Uruu wa Want urumburila abuku inay uchikwet usey nlel, ni uyakin udiamu ukutwish kupandish muntu anch waulondul. (Yohan 17:3) Chawiy lel, tufanyidin kwikasikesh nakash chakwel kusadil abuku inay mutapu uwamp.
3 Chilikej chimekeshina usey wa abuku inay, chidi cha mband umwing waswana mikand kanang ya Atuman’a Yehova ya ngakend mband. Ntwarubil umwing mband wamwipula anch wading wijaku usey wa mikand yiney. Mband wamwakula anch: “Nijap kwam usey wau, ov, nikutwish kuwijik nchik?” Witiya dilejan dia Baibel, wijika uyakin, ni kupwa washikena kuman usey wa bibiliyotek wa ngakend mband. Chirund cha abuku akuru inay wadinga uswan wa kashinsh mud ik!
4 Tuyanganany Nakash: Tupanany abuku akuru inay ku chikumbu ni chikumbu, pakwez tuyipanany kand kud antu itwendidila, akatininga kutang mikand yetu, antu afundishishina abonema ku Tour de Garde ni Réveillez-vous! ni antu adia mwi njil yetu ya kwangen mamagazin. Yimwing ya mikand yiney yikutwish kand kuyilej antu tukata kwilej nau Baibel ronganyin ritandurikina rikujimbisha kutesh kwau kwa uyakin. Tutonginany kwikal ni abuku akuru tuburedina mu bibiliyotek wetu. Mwi njil yiney, tukez kulam bibiliyotek wa uteokras wa kashinsh, tukutwisha kusadil mulong wa kupitish yisu yetu ya kwilej.
5 Chilik cha kutek kusu abuku akuru mwi nkil, tuyisadilany mulong wa kuyibachik antu itusankena “kumwov Nzamb wakin wom ni kulam yijil yend.”—Eccl. 12:13, NW.