Yikumangan Ya Mudimu Ya Chiwong
Rubing ra Chiwong 4
Muminy 36
Min 10: Yijikish. Yijikish yifanyidina ya Mudimu Wetu wa Want. Anch yisu ya kukumangan ayikarumwin pa Chiwong 1, yivurisha awonsu kusadil mu chingand mapapel ma diladikij malejena program musu.
Min 15: “Tusadilany Mutapu Uwamp Abuku Akuru.” Yipul ni yakul. Jimbul abuku akuru adia mwi nkil ya chikumangen. Lejan milong yimwing yisangarishina ya abuku inay, ni rumburil mutapu ukutwishau kuyipan. Yikasikesha awonsu kupan abuku inay mu mudimu wa chingand ni chisu chipaninau uman wa kukashimun mu Chiwong. Salany chakumenaku chiswimp chilejena mutapu wa kuyipan.
Min 20: Kutond Kwetu Kwambatena ni Chijil cha Kwiyokish Wakad Kusadil Mash. (Midimu 15:28, 29) Diskur nend mukurump chifuvu, dishindamedina kart “Instructions médicales/Pas de sang”. Kupwa kwa chikumangan, Atuman’a in kubabatishiu akuyinkish kart musu, ni awiy akweta aan akemp akad kubabatishiu akutambul Kart wa chijiken wa mwan ni mwan. Chifanyidinap kufundap chom ap chimwing katat. Chifanyidin kuchisal nawamp ku chikumbu, pakwez KANGAL kufwachikap. Kufwachik kwa mwin kart, dijin dia Atuman ni machuku ma ngond akuyifund pa makart mawonsu kwisudiel kwa dilejan dia buku dikwambakenap, mwishin mwa umutakel wa ntakel’a dilejan dia buku. Kurutu kwa kufwachik pa kart, chiwapidil kutal anch amwizwishin mwawonsu. Awiy afwachikina mud atuman afanyidin kutal anch mwin kart amwinend wafwachikang kal kart. Antwarubil akad kubabatishiu akutwish kwifundin ayinau yany yau ni ya aanau ni kwambatanish yifundinau pa kart nich mwikadil wau ni yitiyij yau ayinau. Antakel’a dilejan dia buku akutal nawamp, nich ukwash wa dipang, anch yidi yawonsu ya chirund chau cha buku atambwil ukwash uswiridikina mulong wa kwizwish kart wau. Chakwel kwisakin dichidij diwamp dia chijil, chiwapidil kwizwish fomu winou.
Muminy 61 ni dilembil dia nsudel.
Rubing ra Chiwong 11
Muminy 88
Min 10: Yijikish. Rapor wa chipau.
Min 20: “Chiyul Chetu—Kulondul Njil ya Nzamb ya Mwom.” Diskur. Yikasikesha awonsu kukumangan ku yikumangan yawonsu yitan ya rubing ni rubing wakad kujing.
Min 15: “ ‘Twiyijidishany Kushimpish.’ ” Misamb ya yidi ya dijuku. Alejan mitapu kushalijan yikutwishau kumekesh kushimpish nakash nakash mu mudimu wau wa chingand. Isambina yitongijok yifanyidina ya Tour de Garde wa Kalol 15, 1995, paj 12.
Muminy 135 ni dilembil dia nsudel.
Rubing ra Chiwong 18
Muminy 169
Min 5: Yijikish.
Min 10: Nswir ja chikumangen.
Min 15: “Atulam in Kututakel—Antakel’a Dilejan dia Buku dia Chikumangen.” Diskur nend ntakel’a dilejan dia buku ukweta chilikej chiwamp, ukata kurijek midimu yend. Umekeshin mutapu ukata kuwejin mudimu winou kuyang kurutu ni kuwap kwa muspiritu kwa chikumangen. Awejinamu yirumburil yijim ya mu buku Organisés pour bien remplir notre ministère, paj 43-5, 75-7.
Min 15: “Tusambishany Malejan Nich Broshir Nzamb Witin.” Yipul ni yakul.
Muminy 197 ni dilembil dia nsudel.
Rubing ra Chiwong 25
Muminy 201
Min 10: Yijikish.
Min 15: “Kulimunin Kuvul kwa Asaa Ayitinau Ayibol.” Diskur nend mukurump. Jikitish ayibol a chikumangen ni kuyikasikesh antwarubil avud kwinungin ku mudimu wa uchibol nkwash ni wa uchibol wa rawonsu, ni kulam mu manangu mujikit upandikena wa mu Rish, Ndol ni Ndol-Mem. Sadil kand yitongijok ya wenjil wa Mudimu Wetu wa Want wa Rish 1997 ni wa Kafumpul-Mashind 1998.
Min 20: Ov Tukakushinshikinang Mifund Pichuku Pichuku? Diskur ni misamb ni in-kutesh. Muvu ni muvu Sosait uchapining broshir Examinons les Écritures chaque jour. Ov tukakusadilang broshir winou ayinetu ap mu dijuku? Rumburil chitufanyididina kushinshikin mufund wa dichuku pichuku pichuku. Isambina yirumburil ya mazu ma nfungwil ma broshir Examinons les Écritures chaque jour — 1999, paj 3-4. Yita antwarubil alejan usu wa pakampwil usadilingau mulong wa kushinshikin mufund wa dichuku pichuku pichuku ni yirumburil mu kushishaman, ayinau ap mu dijuku.
Muminy 225 ni dilembil dia nsudel.