Yijikish

◼ Mikand ya kupan mu Rish: La connaissance qui mène à la vie éternelle. Chiwapidil kusal usu chakwel kusambish malejan ma Baibel Ndol ni Ndol-Mem: Tour de Garde ni Réveillez-vous! Chiwapidil kwikal ni broshir Nzamb Witin mulong wa antu in kusanger ni tusalany usu wa kusambish malejan ma Baibel. Kalol: La connaissance qui mène à la vie éternelle.

◼ Antwarubil achingejina kusal mudimu wa chibol nkwash mu Ndol ni Ndol-Mem afanyidin kwirijek katat ni kwizwish fomu wau kurutu kwa chisu. Chinech chikukwash amakurump kutenchik nawamp mudimu wa chingand ni kwikal ni mamagazin mawanyidina ni mikand yikwau. Majin ma awonsu itiyidinau kusal mudimu wa uchibol nkwash akumijikish ku chikumangen.

◼ Kalam-ntakel ap muntu mukwau ukutonday ufanyidin kutadil chipau cha chikumangen pa Rish 1, ap machuku makemp kwinyim kwa dichuku dined. Kupwa akwijikish ku chikumangen anch atadidil chipau.

◼ Chivurish chikwikal Diakanying, Ndol 1, 1999. Anch chikumangen chen chikweting yikumangan Diakanying, yikumangan yiney ukuyishemuninany ku dichuku dikwau mu rubing anch Chot cha Want kachisadidinap. Anch chitwishikinap ni anch chakukasikenany kusal Chikumangan cha Mudimu, yikunku yijim ya kusadil ku chikumangen chen ukutwishany kuyandjik mu program mukwau wa Chikumangan cha Mudimu.

◼ Antu inungidina ku chikumangen afanyidin kutum abonema mwawonsu musu ap kufundishiril abonema musu ku Tour de Garde ni Réveillez-vous! kuwejinimu ni abonema wau ayinau mwi njil ya chikumangen.

◼ Sosait kitiyidinap makomand ma mikand ma muntu ipend ma antwarubil. Kalam-ntakel uwapidil kusal yitenchik chakwel kwijikish ngond ni ngond kurutu kwa kutum komand wa mikand wa ngond wa chikumangen ku Sosait. Chinech chikutwishish awonsu asotina kutambul mikand ni yom yikwau yikwau kumwijikish mukadivar utadila mikand. Vurikany amboku yom yikutwishau kutambul kusu kusutin komand wa pakampwil.

◼ Mikand Yisu:

Examinons les Écritures chaque jour​—⁠1999​—⁠Français

Examinons les Écritures chaque jour​—⁠1999​—⁠Kiluba

Examinons les Écritures chaque jour​—⁠1999​—⁠Lingala

Examinons les Écritures chaque jour​—⁠1999​—⁠Monokutuba

Examinons les Écritures chaque jour​—⁠1999​—⁠Otetela

Examinons les Écritures chaque jour​—⁠1999​—⁠Swahili

Examinons les Écritures chaque jour​—⁠1999​—⁠Tshiluba