Yikumangan Ya Mudimu Ya Rish
Rubing ra Rish 1
Muminy 33
Min 8: Yijikish. Yijikish yifanyidina ya Mudimu Wetu wa Want.
Min 17: “Chivurish cha Mangand Mawonsu cha Rufu ra Kristu.” Yipul ni yakul. Wejinaku yitongijok yidia mu Tour de Garde wa Kasan 1, 1997, p. 11-12, par. 10-14. Kasikeshin anch Yehova waleta difut mulong wa rukat rend rujim.
Min 20: Yiyingish ya Kashinsh ya Kwikadil Chibol Nkwash mu Ndol ni Ndol-Mem. Diskur ni misamb ni in-kutesh ditakedilau kud kalam’a mudimu, uyikasikeshin in kukumangan awonsu kutongin kwikal chibol nkwash. Chirikin yilimunin ya asaa ayitinau ayibol ankwash, mud chiyilejenau mu Mudimu Wetu wa Want wa Chiwong 1999, p. 7. Kulimunin kwinoku kufanyidin kuyitwishish avud kwitapil dilau dia mudimu wa chisu chawonsu. Rumburil anch kujikitish kwetu piur pa yakupesh ya Kristu kutubachikin kulejan nakash. (2 Kor. 5:14, 15) Muvu unou Chivurish chikwikal pa Ndol 1. Didi dikasikesh mud ik kud antwarubil awonsu a Want kuwejin mujikit wau ngond wa kabuj! Chirikin yitongijok yijim ya mu awenjil a Mudimu Wetu wa Want wa Rish 1997 ni Ndol 1998 piur pa mudimu wa chibol nkwash. Shinshikin mutapu wa kwambatanish sampul wa maprogram mapanau. Chirikin yitenchik ya kulejan yikwatinau mu chikumangen, yitenchik yipanina yisu yivud ya kulejan ni akwau. Yikasikesha antwarubil kutambul fomu wa kwitin mudimu wa chibol nkwash kupwa kwa chikumangan.
Muminy 44 ni dilembil dia nsudel.
Rubing ra Rish 8
Muminy 52
Min 10: Yijikish. Rapor wa chipau.
Min 20: “Tuyitany Eza.” Yipul ni yakul. Tekin kashony pa usey wa kutazuk antu amekeshina kusanger kwez ku yikumangan. Chakumenaku: misamb ni muntu umekeshina kusanger pa dishin dia malejan madia mu buku Connaissance, p. 159, par. 20, ni p. 161-3, par. 5-8. Kasikesh muntu ni muntu kusal usu wa pakampwil chakwel kukwash in kwilej a Baibel ni antu akwau asangeridina kukumangan ku Chivurish pa Ndol 1. Lejan dipapel dia diladikij dichapinau, ni rumburil mutapu ukutwishau kudisadil mutapu uwamp. Akusambish kwangan mapapel ma diladikij dia Chivurish rubing riner.
Min 15: “Mutapu Ukutwisha Yidi ya Dijuku Kusadil Pamwing—Mulong wa Kwisakin Yikumangan.” Misamb ya dijuku. Pisambidinau manans majim ma mutu wa mulong winou, isambidin mutapu ukutwishau kwirijek mu dijuku mulong wa yikumangan. Isambidin milad yikutwishau kukwashijan chakwel kwakul ni yifanyidinau kusal chakwel dijuku disambisha kushik kurutu kwa chisu ku yikumangan.
Muminy 62 ni dilembil dia nsudel.
Rubing ra Rish 15
Muminy 56
Min 10: Yijikish. Shinshikin “Ov Ukukumangan?”
Min 15: “Ankwash’a Midimu Asadil Mudimu wa Usey.” Diskur nend nkwash’a midimu chifuvu. Chirikin manans majim madia mu buku Notre ministère, p. 57-9. Rumburil mutapu usadidilau ankwash’a midimu mulong wa kukwash chikumangen.
Min 20: Twisakinany Annuaire wa 1999. Misamb ya mukadivar ni mukajend. Mukadivar urumburil anch Annuaire wabudika kapamp ka kusambish mud buku mu 1927 ni kusut kwa mivu 70, ukweting rapor wa mangand mawonsu wa Atuman’a Yehova. Achirikidin manans majim ma “Kuvul Kwawonsu kwa 1998,” p. 31. Kupwa isambidin “Mukand wa Chisak Chitakedina,” p. 3-5, ni kulond mutapu ukulondulau dikasikesh dipaninau.
Muminy 68 ni dilembil dia nsudel.
Rubing ra Rish 22
Muminy 162
Min 10: Yijikish. Ijikish majin ma antu akwikala ayibol ankwash mu Ndol. Lejan anch kand kal achelewa chakwel kwizwish fomu wa kwitin uchibol. Lejan program mwawonsu wa yikumangan ya kulejan yirijekinau mulong wa Ndol. Kasikesh muntu ni muntu kulondul program wa kutang Baibel pa chisu cha Chivurish kudiosh pa Rish 27 kushik ku Ndol 1, mud chimupaninau mu broshir Examinons les Écritures chaque jour—1999 ni pa kalandrie wa 1999.
Min 15: Twirijekany Mulong wa Chivurish. Diskur. Awonsu afanyidin kwirijek mulong wa kukwash in kwilej Baibel ni akwau in kusanger kukumangan ku Chivurish. Antu akukumangana kapamp kau ka kusambish chikutwish kuyikasiken kutesh nany ufanyidina kudia ni kuna yijingidij ap dirumburik dia kuvurik kwinoku. Chirikin yilondinau mu Tour de Garde wa Ndol 1, 1996, p. 6-8, ni lejan mutapu tukutwisha kuyikwash antu in kusanger kulam dirumburik ni rutong ra musambu winou. Pwishin nich kuchirikin “Yivurikish ya Chivurish” ni lejan yitenchik yikwatinau mulong wa Chivurish.
Min 20: Yik Yikata Kutushiken Pitukufanga? Mukurump wisambidin usey ni disadil dia broshir ni antwarubil ayifuvu aad ap asatu. Twiyijidishil nawamp nich broshir winou pitwilejinay mu Dilejan dia Buku. Ov tukakumusadil mutapu uwamp mu mudimu wa kulejan? Isambidin yipul yilondwila: Mulong wak antu avud akatin mutu wa mulong winou? Chinyim ni mafundish ma makasu ma chirelijon, ruchingej ik rikasikeshidinay broshir winou? Mutapu ik tukutwisha kusadil yipul yidia pa chibwik cha panyim chakwel kuvuvurish kusanger? Chisu ik tukutwisha kupan broshir winou? Salany chakumenaku muukusadilany maverse madia mu par. 14, p. 27. Yita in-kutesh awonsu kwikal tayad kusadil nawamp broshir winou.
Muminy 92 ni dilembil dia nsudel
Rubing ra Rish 29
Muminy 111
Min 12: Yijikish. Yivurisha awonsu kutul rapor wau wa mudimu wa Rish. Tukupan Tour de Garde ni Réveillez-vous! mu Ndol. Lejan manimero ma ngond, lejan mitu ya milong yimwing yikutwishau kutekin kashony, ni manans mamwing makutwishau kwisambin. Muntu ni muntu ufanyidin kusend broshir Nzamb Witin ni kumusadil mulong wa kusambish malejan ma Baibel ni antu in kusanger.
Min 15: Nswir ja chikumangen.
Min 18: Mutapu ik Tufanyidina Kuman Yiyul? Diskur nend mukurump. Etu awonsu tutambwiling yiyul piur pa mwikadil wetu, ngikadil wetu, arund netu, ap kwinungin kwetu mu mijikit ya chikumangen. Yisu yimwing ni yikwau tukweting chibachikin cha kulik kutesh yiyul ap kuman mud akat kutuchiril. Rusot ra kwitiy ni kusadil yiyul rikutwish kwikal ra usey mulong wa kuwap kwa mwom wetu wa muspiritu. Chirikin milong yijim yimekeshina mulong wak tufanyidina kwitiy ni kuman usey wa yiyul.—Tal Tour de Garde wa Ndol 1, 1987, p. 27-30.
Muminy 118 ni dilembil dia nsudel.