Yikumangan Ya Mudimu Ya Ndol-mem

CHIYUL: Mudimu Wetu wa Want ukwikal ni program wa chikumangan cha mudimu chimwing cha rubing ni rubing pa chisu cha yikunguril. Yikumangen yikukarumun mud chiswiridikina kulondulijan ni mutapu ukukumanganau ku chikunguril “Dizu dia Uprofet dia Nzamb” ni kukusalau, ku chikumangan cha mudimu cha rubing rikulondula, dichirikin dia aminit 30 dia milong yijim ya program. Dichirikin dined dia ku dichuku ku dichuku akudipan kurutu kwa muten kud akadivar aad ap asatu ayifuvu akutwisha kusutirikin yitongijok yijim. Anch adirijek nawamp, dichirikin dined dikukwash yidi ya chikumangen kuvurik yitongijok yijim, chakwel akutwish kuyisadil ayinau ni kuyisadil mu kulejan. Yirumburil ya in-kutesh ni milong yijimbwilau yikwikal yiswimp ni yifanyina.

Rubing ra Ndol-Mem 3

Muminy 7

Min 8: Yijikish. Yijikish yifanyidina ya Mudimu Wetu wa Want. Misapu ya Uteokras.

Min 17: “Tuyifundishany Akwetu Chakwel Amenaku Ukwash.” Mazu mey ma kufungwil kangal masut minit umwing ni shinshikin chikunku chinech nich yipul ni yakul. Sadil shapitre 13 wa buku Connaissance, mulong wa kulejan mutapu wisakidinau antu dilejan, mutapu wa kutesh ni kusadil yijidik ya Baibel.

Min 20: “Mutapu wa Kutanduril Mudimu Wetu.” Amakurump aad isambidin chikunku chinech oku akat kwakul ku yipul yipwilau kud antu kushalijan pakach pa in-kutesh. Ntwarubil umwing nsand wa dikum dia mivu, ambay a uruu ni mukadivar umwing wakudila kal ayipwil mutapu ukutwishau kutanduril mudimu wau. Buku Notre ministère, shapitre 9, p. 116-18, upanin yiyul yiwamp ya kusadil, pa mutu wa mulong “Ov Rutong ik Ukweta ra Muspiritu?” Antwarubil amekeshin kujikitish kwau mulong wa yitongijok ya usey yipaninay Sosait, yiyikwashina kutanduril mujikit wau mu machuku ma kurutu.

Muminy 11 ni dilembil dia nsudel.

Rubing ra Ndol-Mem 10

Muminy 15

Min 10: Yijikish. Rapor wa chipau.

Min 15: Ov Yom ik Utongidina Kusal pa Chirung cha Yikunguril? Yidi ya dijuku yisambidin yitenchik yakwatinau mulong wa kukumangan ku chikunguril, kwikal ayibol ankwash, kuya mu konje ni mulong wa kwiswedish. Isambidin yitwishikina kusal mulong wa kupan uman wa kukashimun ni mutapu wa kuchisal, kupwa asadil chakumenaku piur pa mutapu wa kusambish misamb. Akasikeshidin usey wa kudandamen kwilej Baibel kwa muntu ipend ni kwa dijuku, kukumangan, payilau mu weny ni kutul rapor wau wa kulejan mu chikumangen chau. Dijuku divurikin jinsangu jiwamp jamenau mu yikumangen yikwau ni musangar wadingau nich. Atongidin mutapu ukutwishau kumekesh rak ra aeny ashikedina pa chikumangen.

Min 20: “ ‘Dizu dia Uprofet dia Nzamb’​—⁠Chikunguril cha Distrik cha 1999.” (Par. 1-12) Yipul ni yakul. Tangany mapar. 6, 7, ni 12. Kasikeshin mulong wak tufanyidina kwikal ku chikunguril chawonsu cha kabuj, kuwejinimu ni yikunku ya Diakatan. Lejan usey wa yany ya Sosait piur pa kwisendil yakudia dichuku ni dichuku dia chikunguril.

Muminy 19 ni dilembil dia nsudel.

Rubing ra Ndol-Mem 17

Muminy 27

Min 10: Yijikish.

Min 15: “Tutonginany ya Kurutu!” Diskur dichirikidina mijikit yawonsu ya uteokras yitenchikinau mu chikumangen mu angond akulondula. Kasikesh muntu ni muntu kufund machuku ma ngond ma mijikit yiney pa kalandrie wend ni kwipuk kulik chom ap chimwing chipachika mu mijikit yiney.

Min 20: “ ‘Dizu dia Uprofet dia Nzamb’​—⁠Chikunguril cha Distrik cha 1999.” (Par. 13-19) Yipul ni Yakul. Tangany par. 14-16. Sadil mifund yichirikidinau ni yifundinau mulong wa kukasikeshin mulong wak kudjal, kwileng, ni ngikadil yetu yidi milong yitufanyidina kuta muchim nakash.

Muminy 29 ni dilembil dia nsudel.

Rubing ra Ndol-Mem 24

Muminy 41

Min 10: Yijikish. Ijikish yitenchik ya pakampwil yikwatidinau mudimu wa kulejan.

Min 15: Yakul ku Yipul Yen. Diskur nend mukurump.

Min 20: Ov Tusadiling Mudimu wa Kwauril? Diskur dikasikeshina dipaninau kud kalam’a mudimu, piur pa Tour de Garde wa Kafunfut 1, 1997, p. 30-1.

Muminy 32 ni dilembil dia nsudel.

Rubing ra Ndol-Mem 31

Muminy 43

Min 15: Yijikish. Yivurisha awonsu kutul rapor wau wa mudimu wa Ndol-Mem. Chirikin mukand wa kupan mu Kalol. Papaninau buku Connaissance, akutwish kand kupan buku mukur wa mapaj 192 udia mwi nkil ya chikumangen. Salany chakumenaku chilejena mutapu wa kupan buku, ni kulond ya ditenchik dia mulambu.

Min 15: Nswir ja chikumangen.

Min 15: Ov Relijon Wam Udi wa Makasu? Misamb ya ankwash’a midimu aad. Tusankening antu avud akata kusanger nakash uyakin ni abazidina Atuman’a Yehova. Pakwez, rukat rikwetau pantaliken ni Egliz wau riyikangeshining kuya kulemp. Chiyikasikedining kwitiy anch tukwet relijon wakin ni kwitiy anch relijon wau udi wa makasu. Chinech chidi chijik chimwing chijim mulong wa kuya kurutu muspiritu. Akadivar achirikidin manans musamban madia pa p. 398-9 wa buku Comment raisonner, manans malejena patok mulong wak marelijon makwau kimalondwilingap Baibel. Kasikeshany in-kutesh kusadil yitongijok yiney nich kubabal mulong wa kuyikwash antu a muchim utok kushinshikin yitiyij yau ya chirelijon.

Muminy 50 ni dilembil dia nsudel.