Yikumangan Ya Mudimu Ya Kalol

Rubing ra Kalol 7

Muminy 45

Min 10: Yijikish. Yijikish yifanyidina ya Mudimu Wetu wa Want. Misapu ya Uteokras.

Min 15: “Tudi Afundishinau Kud Yehova.” Mazu mey ma kufungwil kangal masut minit umwing, ni shinshikin chikunku chinech nich yipul ni yakul. Yita in-kutesh alejana yisakin yamedinau ku Shikol ya Mudimu ya Uteokras, Shikol ya Mudimu wa Chibol, Shikol ya Mudimu wa Want, ni yikwau yikwau. Lejan mutapu mashikol minam mayitwishishina antu a Yehova kwikal ni mabuj nakash mu mudimu.

Min 20: “Tusadilany Chisu Chetu Mutapu Uwamp.” Misamb ya ntakel wa Dilejan dia Buku ni ntwarubil chifuvu umwing ap aad alejena mutapu urijekiningau chisu chau mulong wa kubudikin mud kamu chitwishikina mu mudimu wa kulejan. Alejen usey ni nswir ya kwikal ni program umwing ufanyidina. Arumburil mutapu ukatau kwipuk kushesh chisu: asambishining kulejan pakad kulab, akat kwirijekang ni kakwisambangap nakash pa chisu cha kulejan. Kulondulijan ni mikadil ya pol pen, pan yiyul ya kusadil yifanyidina piur pa kusadil mutapu uwamp chisu.

Muminy 48 ni dilembil dia nsudel.

Rubing ra Kalol 14

Muminy 63

Min 10: Yijikish. Rapor wa chipau.

Min 15: Nswir ja chikumangen.

Min 20: “Ov Tukutwish Kupan Ukwash?” Misamb ni in-kutesh yitakedinau kud mukurump. Isambina yiyul yipaninau mu Réveillez-vous! wa Mwinkind 8, 1995, p. 8-9, mulong wa kuyikwash anvaj alidila aan ayinau. Yita akadivar ni anambaz kulejan kujikitish kwau mulong wa ukwash wa rukat watambwilau kud akwau mu chikumangen.

Muminy 53 ni dilembil dia nsudel.

Rubing ra Kalol 21

Muminy 72

Min 10: Yijikish. Anch chikumangen chikwet mwi nkil abuku Les jeunes s’interrogent. . . ap Jeunesse, lejan mutapu ukutwishau kumasadil mutapu uwamp mu chingand mu angond a Kafunfut ni Kafumpul-Mashind, chisu tukutwisha kutan ansand avud kol kwau.

Min 17: Tusadilany Mutapu Uwamp Maband Video ni Madram. Ov tukutwish kusadil mutapu uwamp maband video 10 ni maband ma madram 11 mabudishinay Sosait? Ov twamatadil kal mawonsu ap kumatesh, etu ni dijuku dietu? Jimbul maband mavud ni lejan anch makutwish kutukwash kulimunin kutang kwetu kwa Baibel, matukasikeshining muspiritu ni mapanining uman umwing uwamp ku uyakin. Tek mu chisaj ni kusutish yikunku yikemp ya madram maad ap masatu. Yipula in kukumangan alejana video ik ap dram ik umeningau anch ufanyidin kamu nakash mulong wa kukasikesh dijuku diawu ap kuyitakel asu ku dirijek. Lejan jinsangu jimekeshina yibudikin yiwamp yamenau. (Tal Annuaire 1999, p. 51-2.) Kasikesh muntu ni muntu kusadil mutapu uwamp maband video ni maband ma madram.

Min 18: “Ov Tukakutalang Kusu ku Chifu?” Diskur ni misamb ni in-kutesh. Kasikeshin mulong wak tufanyidinap kubudish maumau yitongijok piur pa antu tukata kusankan. Chirikin mu wiswimp difundish diamufundishau Yona kud Yehova, Yona wayirumburisha nayimp antu amanay ndiy mud akad kufanyidin. (Tal Tour de Garde wa Kafumpul-Mashind 15, 1997, p. 21-2, par. 17-19.) Yita in kukumangan kwisambin mitapu kushalijan ya antu akatau kusankan mu teritwar ni kulejan mutapu ulaminau chitongijok chimwing chiwamp pantaliken ni antu inay ni kumulikil Yehova amwinend ayirumburisha.

Muminy 77 ni dilembil dia nsudel.

Rubing ra Kalol 28

Muminy 85

Min 12: Yijikish. Yivurisha awonsu kutul rapor wa mudimu wa Kalol. Chirikin mikand ya kupan mu Kafunfut. Lejan mabroshir madiaku, ni kuyul chitongijok chimwing ap yaad ya kusadil mulong wa kumapan. Salany chakumenaku chirijekinau nawamp.

Min 13: Ov Mulong wak Ulikidilay Yehova Kuzengol kwa Antwend? Diskur nend mukurump, piur pa buku Les Témoins de Jéhovah: Prédicateurs du Royaume de Dieu, p. 676-7. Mud mwalonday Yesu, ‘michid yawonsu yitukisin.’ (Mat. 10:22) Chitwishikin tujijamena rupompat pitulejena, pitudia ni anamakwetu akad kwikal Atuman ap pitudia ni antu akad kwikal Atuman ku mudimu ap ku shikol. Mwin kulond urumburil nich mazu makasikeshina, mulong wak ulikidilay Yehova kuzengol mud kwinoku ap rupompat ni mutapu kujijaman kwetu kukutuletina yiyukish.

Min 20: Tuyany Ndond Yidiau Antu! Diskur dimanyidina pa Annuaire 1997, p. 42-8. Pitudandamedina kulejan ku chikumbu ni chikumbu tusotany nakash yisu ya kupan uman wa kukashimun​—⁠chisu chawonsu, ndond yawonsu. Shimun jinsangu jidia mu Annuaire, ni jilejena yibudikin yiwamp yimenau amwing palejenau mu motak, mu mukombil ap ku chikum cha wit, kwisamb ni antu imikina motak, pakatau kuya ndond yikata kwimen motak yijim, kusadil telefon, ni kufund mikand. Anch kudaku chisu, yita in-kutesh alejana jinsangu jimwing jamanau. Yikasikesha awonsu kwisakin yisu yin yawonsu mulong wa kupan uman ndond yawonsu yidiau antu.

Muminy 75 ni dilembil dia nsudel.