Yikumangan ya mudimu ya Mwinses

Rubing ra Mwinses 6

Muminy 190

Min 10: Yijikish. Yijikish yifanyidina ya Mudimu Wetu wa Want. Isambina rapor wa mudimu wa Ndol-Mem wa ngand ni wa chikumangen.

Min 17: “Ov Tukakulejanang Nich Rutong?” Mazu mey ma kufungwil kangal masut minit umwing, kupwa shinshikin misamb nich yipul ni yakul. Wejinamu yitongijok ya buku Notre ministère, paj 88-9. Yikasikesha awonsu kujijaman mu mudimu wa kulejan.

Min 18: “Anvaj​—⁠Panany Chilikej Chiwamp Kud Aanen.” Mukurump ukusal mazu ma kufungwil miswimp, kupwa akadivar aad adia anvaj akwisambin chikunku chinech. Alejen yitongijok yau piur pa mutapu wa kuyilam aanau ku yaku yiyimp yikatau kusankan ku shikol, patadinau televishen, ni padiau pamwing ni anamakwau akad kwikal Atuman ap antu akwau. Akadivar ashinshikidin mikadil yakad kalimish, kulond ni mutapu wa kudjal ya mangand, ni kwipuwangesh kuyimp. Kwinyim kwa kumekesh kuswir kwa kupan chilikej chiwamp, akat kwisambin mitapu yikutwishau kukulish chirungil pa chisu cha dilejan dia dijuku, yikumangan ya chikumangen, ni mudimu wa kulejan.​—⁠Tal Tour de Garde wa Kafunfut 1, 1999, paj 8-22, ni Réveillez-vous! wa Mwinses 22, 1991, paj 8-9.

Muminy 101 ni dilembil dia nsudel.

Rubing ra Mwinses 13

Muminy 171

Min 10: Yijikish. Rapor wa chipau.

Min 15: Ov Yom ik Twasadila Muvu Wadiap Ou? Diskur nend kalam’a mudimu. Chirikin milong yijim ya rapor wa chikumangen wa muvu wa mudimu 1999. Bazin yom yiwamp yasadilau. Lejan pafanyidina kusal chikumangen usu wa kurijek. Kasikeshin yasadila chikumangen mu kuvul kwa antu akata kukumangan ni mu kwendish malejan ma Baibel. Lejan yitongijok yifanyidina ya kurutu ya muvu wasambisha kal ou.

Min 20: “Ov Yom ik Ukulonda ni Mwin Hindu?” Yipul ni Yakul. Kasikeshin kuwap kwa kwovijan ni muntu wisambinany nend, ni kulejan milong pitukutwisha kwovijan ni mwin Hindu. Lejan mutapu ukutwishau kwambatanish milad ya kupan uman yiyudilau ni antu a marelijon kushalijan. Salany chakumenaku chirijekinau nawamp piur pa mutapu wa kupan uman kud mwin Hindu. Piur pa jinsangu jikwau jitadila Uhindu, tal wenjil wa Mudimu Wetu wa Want wa Rish 1998; buku Comment raisonner, paj 22; ni buku L’humanité à la recherche de Dieu, shapitre 5.

Muminy 140 ni dilembil dia nsudel.

Rubing ra Mwinses 20

Muminy 193

Min 12: Yijikish ni jinsangu jamenau mu mudimu wa kulejan.

Min 15: Nswir ja chikumangen.

Min 18: Tusadilany Mutapu Uwamp Buku Créateur. Diskur ni yakumenaku. Mudimu Wetu wa Want wa Ndol 1999 warumburila anch tukutwish kupan buku Créateur chisu chawonsu tukusankana antu (1) akad kwitiyij Nzamb ap (2) itiyijina Nzamb pakwez akad kwijik nawamp anch udi nany, ngikadil yend ni yitongidinay kusal. Akutwish kusadil yipul yitongishina ni yirumburil yidia pa chibwik cha panyim mulong wa kuvuvurish kusanger mu kutang buku winou. Akutwish ap kusadil paj 152 mutapu umwing uwamp. Ntwarubil ukutwish kumwipul muntu anch: “Ov kwisu tukutwisha kuman yiyul yipandakena kuwap piur pa mutapu wa kupwish milong yetu yakamishina?” Ukutwish kumulej mutapu ubazidinau antu a katumb Mafundish ma Yesu ma pa Mukandu, kumwit atondap mulong umwing pa milong sambwad umusangarishina nakash, ni kutang maverse makemp majimbwilau. Salany chakumenaku piur pa yiyul yiney ya mutapu wa kupan buku Créateur, ni kulejan mutapu wa kwisambin usey mu mulad wa kupan umwing ni umwing. Yikasikesha awonsu kusend buku winou mu mudimu wa chingand, ni kwikal tayad kumupan ndond yawonsu pichifanyidina.

Muminy 175 ni dilembil dia nsudel.

Rubing ra Mwinses 27

Muminy 141

Min 15: Yijikish. Yivurisha antwarubil kutul rapor wau wa mudimu wa ngond wa chidivu. Yikasikesha awonsu kutongin kusal mudimu wa kwangan mamagazin mwi ngond wa dikum. Chirikin yimwing ya yiyul yidia mu Mudimu Wetu wa Want wa Kalang 1996 (français), paj 8, piur pa kurijek mutapu wa kupan uman. Nich kusadil mamagazin masu, jimbul manans mamwing mawamp ma kwisambin ni salany chakumenaku chimwing ap yaad yiswimp piur pa mutapu wa kupan. Lejan mutapu wa kwisambin usey ni mwin kwisamb netu.

Min 15: Yakul ku Yipul Yen. Diskur nend mukurump.

Min 15: “Difukwil Diakin Diyil Kurutu kwi Mputu wa Kwingangel.” Mukurump utakedil chikunku chinech nich yipul ni yakul. Jimbul jinsangu ap uman wa kwiwejinaku mwi ngand jilejenau, mud chijilejenau mu rapor wa ma Annuaires ma katat.

Muminy 87 ni dilembil dia nsudel.