Yikumangan ya mudimu ya Mwinkind

Rubing ra Mwinkind 4

Muminy 147

Min 10: Yijikish. Yijikish Yifanyidina ya Mudimu Wetu wa Want.

Min 17: “Dizu dia Uprofet dia Nzamb Dikushiken Chakin!” Mazu mey ma kusambish nich kangal masut minit umwing, ni shinshikin misamb nich yipul ni yakul. Lejan milong yikemp yikemp ya buku musu yimekeshina dirumburik dia chirung chetu.

Min 18: Tujinguninany Yidia mu Magazet! Lejan kuvul kwa magazet mapanina chikumangen ngond wadap ou. Ov kuvul kwinoku kwisiken nich kuvul kwa magazet kutwatambwila ku Sosait? Anch kudi kushalijan kujim, chom ik chifanyidina kusal? Yita in kutesh kwisambin milong yilondwila: (1) Ntwarubil umwing ni umwing ufanyidin kwikal ni komand ufanyidina. (2) Kuman Diampos ni Diampos mud Dichuku dia Magazet. (3) Kurijek program wey wa mudimu chakwel mwikala mujikit wa magazet ngond ni ngond. (4) Kutongin kupan uman wa kukashimun chisu chawonsu nich kusadil magazet mulong wa kusambish mambamb. (5) Kutond mitu ya milong yifanyidina mulong wa antu akweta mijikit ya kwisak ni antu asadiling midimu akutwisha kuyisanger. (6) Kwikal ni rapor wa mikand yitupanina, ni kusambish njil ya kwangen magazet, ni kuchirik pakad kujing nich manimero ma nsudel. (7) Kusadil mutapu uwamp magazet makur mawonsu chakwel kukwikalap kuruzuman kwa magazet. Lejan magazet ma katat, ni mitu ya milong yikutwisha kuvuvurish kusanger. Mukurump ni nsand asala muntu ni muntu chakumenaku piur pa mutapu wiswimp wa kupan magazet.​—⁠Tal Mudimu Wetu wa Want wa Ndol 1999, paj 7.

Muminy 105 ni dilembil dia nsudel.

Rubing ra Mwinkind 11

Muminy 194

Min 10: Yijikish. Rapor wa chipau.

Min 15: Nswir ya chikumangen.

Min 20: “Mutapu wa Kuman Musangar Ujim ku Yikumangan.” Yipul ni yakul. Jimbul yilikej yifanyidina ya mutapu tukutwisha kumekesh kutongin ni kwikal in kukasikeshijan umwing ni mukwau ku yikumangan. Yita in kutesh kulejan yilikej ya jinsangu jiyitadila ayinau.

Muminy 152 ni dilembil dia nsudel.

Rubing ra Mwinkind 18

Muminy 196

Min 10: Yijikish ni jinsangu jamanau mu mudimu wa kulejan.

Min 13: “Ov Ukuham?” Diskur dikasikeshina dipaninau kud kalam’a ujindj. Anch antwarubil aman anch chifanyidin kushemunikin mu chikumangen chikwau, chidi cha usey anch ashakama nawamp mu chikumangen chau chisu chakwel kwipuk mpwich jawonsu ja muspiritu. Kasikeshin kuswir kwa kuyijikish amakurump yitongijok mud yiney ni kuyit ukwash mulong wa kwisamb ni chikumangen chisu.

Min 22: “Ov Yom ik Ukulonda ni Muntu Udia Mwin Yuda?” Yipul ni Yakul. Rumburil kushalijan kudia pakach pa Orthodox, Réforme, ni Uyuda. (Tal L’humanité à la recherche de Dieu, paj 226-7.) Lejan milong pitukutwisha kwovijan ni muntu udia mwin Yuda. Salany chakumenaku chirijekinau nawamp. Piur pa jinsangu jikwau piur pa Uyuda, tal wenjil wa Mudimu Wetu wa Want wa Rish 1998; buku Comment raisonner, paj 22-3; ni L’humanité à la recherche de Dieu, shapitre 9.

Muminy 142 ni dilembil dia nsudel.

Rubing ra Mwinkind 25

Muminy 179

Min 15: Yijikish. Yikwasha awonsu kwirijek mulong wa kupan broshir Nzamb Witin ap buku Connaissance mu Kalang. Rumburil mutapu wa kurijek mutapu wa kupan wimanyidina pa chipul, “Ov Nzamb ukat kutesh malembil mawonsu?” Sadil milong yidia mu difundish 7 mu broshir ap shapitre 16, paragraf 12-14, mu buku. Salany chakumenaku chiswapela musadidinau verse umwing.

Min 15: Kuman Yakul ku Yipul ya Baibel. Nkwash’a midimu wisambin ni ntwarubil watanina muntu umekeshina kusanger kwa chipul chimwing cha Baibel. Pa ndond pa kumwinkish chakul, nkwash’a midimu urumburil mutapu wa kuchiman. Chakusambish, uchirikidin yiyul yidia mu buku Manuel pour l’École, dilejan 7, paragraf 8-9. Kupwa, awonsu pamwing akimbin chipul chikatau kwipul antu avud mu teritwar. Akimbining mareferans misambidina mutu wa mulong winou ni kuman manans ma kashinsh malejena patok mulong wak upaninay Baibel chakul chinech. Yikasikesha in kutesh kusal mutapu winou wa dilejan dikweta ukwash mulong wa kukimb yipul ya Baibel.

Min 15: Jintong Tukutwisha Kwitekin. Diskur ni misamb ni in kutesh. Chirikin jintong ja ukwash jilejenau mu kapalikany kadia pa paj 11 wa Tour de Garde wa Rish 15, 1997. Yikasikesha kand kusal mudimu wa chibol nkwash ap wa chibol wa rawonsu. Rumburil mutapu kushiken jintong jinej kukutwisha kutukwash muntu ni muntu. Yita in kutesh kulejan misangar yamenau patwishau kushiken jintong kanang ja uteokras.

Muminy 151 ni dilembil dia nsudel.