Dichirikin dia shikol ya mudimu ya uteokras

Dichirikin dined akudisal pakad kusadil abuku, dimanyidin pa yom yitwilejina ku Shikol ya Mudimu ya Uteokras, kudiosh ku rubing ra Chiwong 3, 2000 kushik ku rubing ra Ndol 17, 2000. Akwilany pa dipapel dikwau ku yipul yiukutwishanya kwakul mu chisu chiletinau.

[Chiyul: Pa chisu cha kuchirikin, sadilany kusu Baibel. Mareferans mapaninau kwisudiel kwa chipul ni chipul amaletin mulong wa kuswapesh kukimbol kwa muntu ipend. Manimero ma mapaj ni maparagraf kamalejenap chisu chawonsu mu mareferans ma Tour de Garde.]

Fund kwisudiel kwa jintung jilondwila Mwawiy ap Kimwawiyap:

1. Yisu yimwing tufanyidin kuchingel kutambul yiyukish ya Yehova, mulong Yehova wij mwikadil wetu ni ukakudimukinang nswir yetu yawonsu pa chisu chiyikwikala ni ukwash kud etu. (Kus. 145:16; Jak. 1:17) [w98 1/1 p. 23 par. 6]

2. Kwikalaku kwa mushet wa manswik kwadingap kapopu ka kutwish kwa in Isarel. Chiyukish cha Yehova chading chengamidin pa ngikadil wa muspiritu ni kuziyil kushishamena kwa antu adinga ni mushet. (Jos., shap. 7) [Kutang Baibel; tal it-1 p. 160 par. 3.]

3. Nlel, atudishin muspiritu nich kutang kusu mazu ma Yehova. (Kuv. 8:⁠3) [Kutang Baibel; tal w85 15/6 p. 17 par. 15, 17.]

4. Mulong ujim udia mu Chijil cha Moses mu Kuvurik Yijil 23:20 umekeshin anch kudi kuburen rukat kud mwin Kristu kwit diyanzuk dia nfalang jasondjikinay. [Kutang Baibel; tal it-1 p. 1200 par. 7; it-2 p. 653 par. 8; w86 15/10 p. 12 par. 9.]

5. Rapor wa kuman kuwamp kwa Joshua ni Kaleb wambatana nich ruchingej rau mu usu ni kujijaman kwa in Isarel mulong wa kupandakan yikangesh yawonsu yadinga ni kuyikangesh kukwat Ngand ya Kushilamu. (Kuch. 13:30) [w98 1/2 p. 5 par. 4]

6. Pisambidinay “chipan” mu 1Timote, Paul wadinga ni kumuvurish Timote anch amuzizila many nich spiritu utumbila ni (kumulej) anch difut dia mwiur diadinga ni kumuchingel. (1 Tim. 4:14) [w98 15/2 p. 25 par. 1]

7. Buku wa Joshua kakwetap chom ap chimwing cha usey chambatena ni kubudikin kwa Mbut ya Want. [si p. 46 par. 24]

8. Buku wa Ankalansambu udi list wa amakundj atondau ni kutek kud Isarel mulong wa kuyikel muchid kurutu kwa chirung cha ant. [si p. 47 par. 2]

9. Kwit kwa Gedeyon, kufundinau mu Ankalansambu 6:​37-39 (NW), kumekeshin anch wading ubabel nakash ni mwin kwidjidjek. [Kutang Baibel; tal w88 1/4 p. 30 par. 6.]

10. Chayinkishay in kwilej end yany anch ‘kangal wimanany mwi njil kulangwishijan nau antu [mu makas],’ Yesu wadinga ni kukasikeshin kuswapal kwa mudimu wa kulejan ni kuswir kwa kutek muchim wawonsu ku mudimu winou wa usey. [w98 1/3 p. 30 par. 5]

Akul ku yipul yilondwila:

11. Ov mulong wak chidia cha usey anch mazu ma Yehova mikala mu michim ya anvaj? (Kuv. 6:​5, 6) [Kutang Baibel; tal w98 1/6 p. 20 par. 4.]

12. Ov mutapu ik ukutwishay ntakel a dijuku kusadil chijidik chifundinau mu Kuvurik Yijil 11:​18, 19? [Kutang Baibel; tal fy p. 70 par. 14.]

13. Ov chom ik chimekeshina mu Baibel, anch Onezim, muswik wachina, wadinga chakin ni mupostol Paul mu chisu kanang kurutu Paul amufundina Filimon mukand? [w98 15/1 p. 30 par. 2]

14. Ov chom ik tukutwisha kusal chakwel kwipuk kuchirikin kwinyim ap kwikal ni yitongijok yiyimp pitumena kuburen kutentam ap patusadidinau nich mafef? [w98 1/2 p. 6 par. 1, 2]

15. Ov Joshua ni Gedeyon amekesha nchik kalimish kajim piur pa chijil cha Nzamb? (Kuv. 20:​8, 15-18) [si p. 41 par. 32]

16. Ov kufanijan ik kudia pakach pa jinsangu jirumburilau mu Joshua 10:​10-14 ni yikutwisha kushiken ku Harmagedon? [Kutang Baibel; tal w86 15/12 p. 23 par. 12–p. 24 par. 14.]

17. Jimbul ukwash usatu wa kushiman kwa kashinsh kwa ngikadil muwamp. (Tal Jinswir 15:23.) [w98 1/2 p. 31 par. 5-6]

18. Kulondulijan ni Joshua 20:​4, mutapu ik ukutwishay muntu kuchinin mu musumb wa kwikangin wa chirumbidij? [Kutang Baibel; tal w86 15/12 p. 24 par. 16.]

19. Ov mutapu ik umekeshina Ankalansambu 5:31(NW) anch kupandakan kwa Nkalansambu Barak piur pa amasalay a Sisera mwi nkurubuk mwa mpwej ya Kishon kukwet dirumburik ku chirung chetu? [Kutang Baibel; tal w86 15/2 p. 21 par. 4.]

20. Ov mutapu ik tukutwisha kulimish chijidik chidia mu Ankalansambu 7:21 (NW) mu rutung “muntu ni muntu wimana pa ndond yend,”? [Kutang Baibel; tal w82 1/9 p. 25 par. 17.]

Izwish ndond yidia wash mu mazu malondwila:

21. Chakwel kuman yiyukish yivud ya Yehova, tufanyidin kudandamen _________________________ ni kumwit Yehova atukwasha _________________________ mafundish madia mu Dizu diend dipepidilau. (1 Tim. 4:​8, 9) [w98 1/1 p. 24 par. 6]

22. Yehova ukisin rubab mulong ridiokil ku _________________________ ridingap ra _________________________ riding kusu mulong wa _________________________ . [w98 1/2 p. 30 par. 2-3]

23. Dijin Joshua dirumburikin _________________________ ni wikala chilikej cha uprofet cha _________________________ . [si p. 43 par. 5]

24. Kulondulijan nich chishimu cha Yesu chidia mu Mateu 7: 24-27, anvaj in Kristu, ababela akutwish kuyikwash anau kupandikan “rinkind mukash” wa yipwichik nich kuyifundish _________________________ , chom chikuyikwasha kushal _________________________ . [w98 15/2 p. 9 par. 1]

25. Milong ya pasak yifundinau mu buku wa Ankalansambu yisendin chisu chawonsu cha chirung chidiokila pa kufa kwa _________________________ kushik ku chirung cha _________________________ ap mud mivu _________________________ . [si p. 47 par. 5]

Tond chakul chifanyidina mu mazu malondwila:

26. Kukwat chiyul cha kwirijek kurutu kwa rufu mulong wa muntu ukeza kaswan yom yetu chidi (chiyul chitadila chikumangen; chiyul cha muntu ipend, chidi chom chiyitinau in Kristu akin). (Gal. 6:⁠5) [w98 15/1 p. 19 par. 6]

27. Paul wamukasikesha Filimon kumwak (Onam; Onezifor; Onezim) ni rukat, pakwez kasadinap usu wend wa upostol mulong wa kumwinkish mbil ap mulong wa kumwit kumulikishaku muswik wend. (Flm 21) [w98 15/1 p. 31 par. 1]

28. Chilim chijim chimekena mu rusangu ra antu adinga ni musong wa mak okay Yesu chidi (kuburen kwau ritiy; kulik kuziyil kwau; kulik kujikitish kwau). (Luka 17:​11-19) [w98 15/2 p. 5 par. 1]

29. Nzamb chitiyay yasalay Rahab, kwakul kwend kurutu kwa antu a Yeriko adinga ni kuyilondul in kutentish a Isarel chinech chimekeshin anch ( chiyul cha kudimban chidi kud muntu amwinend, kamushindidinap muntu kulejan rusangu rakin kud antu akad kufanyidin kuritesh; wadinga kand kal akarumuka kudiokal ku jinjil jawonsu ja mangand). (Jos. 2:​3-5; tal Rom 14:⁠4.) [Kutang Baibel; tal w93 15/12 p. 25 par. 1.]

30. Kulondulijan ni Yohan 13:​5, chisal cha Yesu chimekeshin usey wa (muchim uwamp; riy; kwikepish), ngikadil yikata kututwishish kusal midimu yimwing ya kwikepish mulong wa kuwap kwa antu akwau. [w98 15/3 p. 7 par. 6]

Lamik mifund yilondwila ey ku jintung jilikena nich:

Kuv. 7:​3, 4; 17:7; 25:​11, 12; 28:3; Jer. 15:​20, NW.

31. Usey umenay nich Sakatang yidi ya ruvaj ufanyidin kuyibachik in Kristu mu kutond kwau kwa mutapu wa kwimik kuval. [Kutang Baibel; tal w99 15/6 p. 28 par. 2-5.]

32. Tukutwish kuchingejin mu ukwash wa Yehova mulong wa kusal mudimu wetu wa kulejan rusangu ruwamp ra Want wa Nzamb. [w98 1/3 p. 27 par. 6]

33. Anch twata matu ku kubabesh kwa Baibel, tukwipuk yibudikin yiyimp yikata kumekan chisu chivud ku kwatijan ni muntu wakad kwikal mukaritiy. [Kutang Baibel; tal w89 1/11 p. 20 par. 11.]

34. Chiyukish cha Nzamb chengamidinap ndond tushicha, mudimu tusadina ap chisend chitukweta mu mudimu wa Nzamb. [Kutang Baibel; tal w96 15/6 p. 15 par. 15.]

35. Mud yany yipaninay Paul mu 1Korint shapitre 5 piur pa kumwopat (muntu), ujimbwil Chijil cha Yehova. [Kutang Baibel; tal si p. 213 par. 24.]